فوق هام السحب ( الشعر الشعبي) على متن القوافي

يا صاحبي مافي عسل من ذبابة
وِلَأّ حليب اسمه حليب العصافير

صٌأّحٌبِ يِّطّلَعٌ صٌأّحٌبِهِ لَلََّسحٌأّأّبِهِ
وِصٌأّأّحٌبِ يِّنِزِّلَ صٌأّحٌبِهِ قِأّعٌةّ أّلَبِيِّر

وِبِعٌضّ أّلَصٌدِأّقِهِ لَعٌنِ أّبِوِهِأّ صٌدِأّقِهِ
مَثّلَ أّلَنِجِأّرهِ ع«لَ أّبِوِوِهِأّ مََّسأّأّمَيِّر

لاصرت ترمي لك جبل غلطةٍ منك
وامرٍ طبيعي لارميته تصيبه

بلاه كبره وانت محدٍ درا عنْك
يزداد هيبه وانت تزداد خيبه


الشاعر الكويتي
حمد السعيد

لا جزا الله حمامه فوق الأبراج ناحت
أشغلتني ولا أدري وش بلاها تنوحي

سامره ليلها في بِرجها ما أستراحت
لو هي تندب لها حيٍ لزومٍ بيُوحي

ذكّرتني ليالٍ بأول العمر راحت
قبل تظهر مغاتيرٍ بوجهي تلوحي

أه يافرصتي ضيّعتها يوم ناحت
أحسب إن الليالي الممتعة ماتروحي

كبدي اللّي تشادي دلّةٍ يوم فاحت
سَج عنها المقهوي فوق جَمرٍ تفُوحي


شعر: سليمان الهويدي

أنا الذي شفت البـلاوي وصديـت
ومن باعد الصدات قلّـت شطونـه

ماني ونا بندر بهيـت ولـد هيـت
هيـت يجامـل خمـة يكرهونـه

من كثر ما جربت واقبلت واقفيـت
قولك هلا لمن لا يـودك مهمونـه

والله يا لولا قول يا رجـل زليـت
لاعـد شـي مـا ترقـع شنونـه

سلط على النصراني اللي لقى الزيت
ياعل نبع الزيت يعمـي عيونـه

لولاه تحتـاج المراجـل شفاليـت
تحتاج شي يقصـر النـذل دونـه

عزب على الفرجه وقطع الخلاليت
حتى عيال البـوم مـا يقطعونـه

ثلاث مـن كـل المعانـي تنقيـت
اللي بقـى كـل المـلا يقدرونـه

مابي جزاهن غير من خالق البيـت
عن مالهـن للنـاس مـا ينفعونـه



بندر بن سرور

‏من لا يداري خاطرك لا تداريه
‏بعض المدارى لـلخواطر مذله
‏
‏كم واحدآ تتعب على شان ترضيه
‏ويصير ظنك فيه ماهو محله
‏
‏والصحبه اللي من وراها مشاريه
‏احظر تجامل صحبته رح وخله
‏
‏عليك باللي كل ماحل طاريه
‏كلمة نعم تنساقله وتحصله
‏

‏يالله عسي بيت الكرم والمواجيب
‏يبقي عزيز وشامخات(ن) ركونه
‏
‏بيت الذي به منقع الجود والطيب
‏للضيف والمحتاج واللي يجونه
‏

‏صحيح ماندري عن الي يكنّون
‏ولحدٍ عـن قلـوب الأوادم تـنّبا
‏
‏مهما الليالي تستر اللي يخبّون
‏تبــدي لـك الأيـام شيٍ مــخبّا

‏

‏احوالنا ماهي بدايم على دوك
‏ولا لــقيـنـاهـا بكـار ٍ حــلايــب

‏ناخذ قروض بنوك ونسدد بنوك
‏واحيان ماتقضى يكون بطلايب

‏ونصبر ولوقدنا من الحملة بروك
‏ونقوم ولو تضلع خفاف الركايب

‏يابوك انا في حكم الايام مملوك
‏مره تزين ومرتينٍ غلايب

‏سعيد بن مقبل

‏لو ابجادل بالزمن كل هرّاج
‏قللت من عرفي ونزلت قدري
‏
‏واليا بلاني بالسواليف هلباج
‏سلّكت له واللي بصدري بصدري !
‏

‏العسر معه اليسر والصبر بابه
‏ولا يقطع الفرجه ضعيف الأشاوير

‏والمرجله جوٍ تطارد سرابه
‏عليه من صلفات الأريا معاصير

‏ما يقطعه كود أبلجٍ ينغزا به
‏اللي يوردها على جمة البير

‏على خويه غشنةٍ من سحابه
‏وعلى عدوه قطعةٍ من زمهرير

‏‌