فوق هام السحب ( الشعر الشعبي) على متن القوافي

‏لاغاب عنك اللي غيابه مصيبه
‏وطالت به الغيبه ولاجابه الشـوق

‏ما فيه داعي تنشده عن مغيبه
‏ماغاب عنك الا وهو منك مسروق

‏خله يكمل غيبـته وش تـبي به
‏لا تلحقه لو كل مطـرود ملحوق

‏ترى المحبه ما تجي ب الغصيبّه
‏لو السما تطبق على الارض من فوق

......

ابن شايق طيّب الله ثراه قال :
" أحب التراب اللي مشوا به لو إنه تراب
وأمر المكان اللي لهم فيه مدهالي "

وقال سعد علوش :
" روّح مع الشارع اللي قلبي يحبّه
من حب راعيه .. ولا هو ترى شارع

الجمال الي يقولون في وصف الجمال
زاده الله مع حلاها حلا منطوقها

فيك من عين الندواي ومن عنق الغزال
فيك من لون الخزامى ومن زملوقها

......

‏يستريح البال لاهبت أنسام الـهبوب
‏سامح من هزل بعض العباد وجـدهم

‏في رجا اللي يفرج الهم ويغسل الـقلوب
‏عن بشر .. ماني بـ معهم ولاني ضـدهم*

‏فيه ناس ماورى عرفهم .. غير الذنـوب
‏ماقدرت اشري غلاهم ولاخطب ودهـم

‏خيرة لي .. يوم راحوا مع وساع الـدروب
‏ياعسى درب خذاهم ماعاد يـردهم


......

‏حطني في قلبك وعينك وبين اهدابك
‏وعطني كفوفك كلام الناس مايعنيني

‏يا فديت اطباعك وضحكاتك وترحابك
‏وعينك اللي لا رضيت تحطها في عيني

‏والقصيد اللي معي يبدا بك وينهى بك
‏جعلني ما ابكيك يوم وجعل ماتبكيني

‏مادريت اني تعديت السما بأسبابك !
‏لين شفت الكل بالإجماع مُعجب فيني


......