قصيده موجهه من سعد زهير الى بن ظافر والرد لبن ظافر

بسم الله الرحمن الرحيم



سعد زهير


سؤال يتكرر وين ما رحت والا جيت
لماذا زعيم الشعر يزداد تقصيره

تخليت عن ربعك وعن ديرتك شذيت
وهذي حقيقه تودع الشك والحيره

بعضهم يقول انك من ايامها قفيت
وبعضهم يقول انقلب صاحبك غيره

وناس كثيره همها الضحك والتنكيت
تقول الغرور اعمى شعوره وتفكيره

وطال الحديث المر حتى اني انحديت
اغير مسار السالفه واقلب السيره

ولما تعدت حدها قمت اذا رديت
على مهلكم نسمع جوابه وتقصيره

فانا خابرك ان كل من يطلبك لبيت
وتسقيه من كاس الكرم فوق تقديره

متى تفرخ الدنيا متى يستقيم البيت
متى الشعر يعلن في قدومك تباشيره





محمد بن ظاافر


ومنك العتب مقبول لكن اذا شكيت
بمن تقتنع كيف يقنعك تبريره

وليه اتهامي زوّر وانا ان اوعدت وفيت
وان ادعيت جيت الداعي احث في السيره

ولولا الرفق ماتعبت الاقدام وتعنيت
وضيعت وقت ضيعنه تعمي الصيره

وان كان قصدك في ايامها ذليت
لك احلف يمين يقطع الرزق تزويره

ماقد خفت من شاعر على كثر مالاقيت
ولاراعني حفل تصفق جماهيره

لكن خفت تلحقني الملامه اذا غنيت
ومافي المثل فيني تطبق معاييره

اذا انت لقريبك في مصيبته ماواسيت
قطعت الصله واعطيت للكره تأشيره

ومن صاد في الماي العكر واخلف التوثيت
اقل اهتمام لمثل شرواه ماعيره

واقول ياجبل من ناعق البوم ما اهتزيت
وعمر الزمن ما اثرت فيك اعاصيره





صح لسان سعد زهير ولسان بن ظافر

تقبلو تحية ...علي بن سعد آل ساهر






.