شعتني قصيدة شاعر عـذّب القصـاد

شعتني قصيدة شاعر عـذّب القصـاد
ماحد يستلذ السالفه ليـن تنسـب لـه

علومك يا بو نايف قراح ٍ على الأكبـاد
لكن تجرح قلوب ٍ مع الوضـح منهبلـه

مواليف وضح ٍ كنها وضحى بن عبّـاد
لا شافها راعي الدبـش طيـرت شبلـه

تواغض مع الريضان كنها خيام أسيـاد
لونها بعيد ٍ بـادي الرجـم تقـرب لـه

أو حمّـى مغاتيـر ٍ مقاديمهـا شـراد
هريب السحاب اللـي تواليـه منسبلـه

قبلهـا ليـا مـن المنـاره سناهـا زاد
قبل الاشهب المرشوش لا فضوا اصطبله

عنقا مارق ٍ نسنوسها سدوهـا منقـاد
مع طـول خدتهـا خراطيمهـا سبلـه

شناح ٍ طفـوح شبلهـا دايـم ٍ خـدّاد
لونها مع ذود ابن عمـي خذيـت ابلـه

لا ضاقت براعيها الوسيعه بكـل بـلاد
يحوّم و كبده من هـل المـدن مندبلـه

لا منه نطحها عصر و لا هجد مهجـاد
ليا شافته قامـت تـرازم ترحـب لـه

هذي تنطحه تبغـى تقبّلـه جـد عمـاد
وهذي تنهب شماغه و هذيك تلعب لـه

و الله ما يهني من حكم عاصمة بغـداد
اللي له مزامير الفخر تضـرب الطبلـه



سعد بن جدلان الاكلبي