للزين قالوا من قديم علامات

للزين قالوا من قديم علامات
........... عين ومبسم والجسم والرشاقه

لكن كسر هالقاعده هالمتينات
............. من واقع ماهو كلام وبلاغه

واللي محليهم ولا هن ثقيلات
............. دايم خفاف الدم وفيهن لباقه

الله يا هن يا جماعه لطيفات
............. علي الكلام الحلو فيهم طلاقه

ماهو ضروري بالرشاقه رشيقات
............ وزود الوزن ماهو يعني اعاقه

صحيح بعض اللبس يعني اهانات
................. الوزن يالضيق ماله علاقه

بس مو ضروري يلبسن استرجات
............ يا زينهن واللبس واسع نطاقه

لا بارك الله فيك يا الضيق بالذات
...............ترا السعه بالذات تعطي اناقه

قالوا الرجيم اليوم هم البنيات
........... قلت الرجيم ادري يبغيله فراغه

قالوا الرياضه قلت ماهن مريضات
............... للسكري لا مامعاهن بطاقه

قابلهن الله بلا رجيم ورياضات
............ بهديهن مني من الورد بطاقه

هن دفء المجتمع هالرقيقات
.............. هن ملح هن سكر لذيذ مذاقه

هلا سالتوني عن الحب بسكات
............ بقول هن فيهن من الحب طاقه

الشاعر حمد السعيد

صح بوح شااعرها وجزل المنطووق
وروعة الجلب والانتقاء
كوني بخير غناتي رووووح

صح لسان الشاعر المميز حمد السعيد
وصحة يداك ياروح الجروح على
حسن الاختيار

صح لسآن آلشآعر حمد آلسعيد

شكراً لكِ عزيزتي ,,, روح آلروح

ع آلمشآركة آلرآآئعة

لكِ أرق آلتحأيأ


:

أميرة آلورد

شاكرة لكم جمال حضوركم الراقي

اسعد الله لجميع

جميل جدا وصف الشاعر حمد السعيد
والأجمل الأيادي والاختيار روح الجروح
تقبلي مروري وتحياتي