أعطنا حقنا من حق ابونا

أعطنا حقنا من حق ابونا


انا عندي سؤال وابغا اجابه صريحه واضحه

لا أحد يجامل فالمردود لا أحد يدلس ع الحقيقه
كلنا نمر بالموقف ونبغى اجابه صادقه
ودنا نستفيد من رايكم يالذي تسمع وتقرا
يمكن انك برايك تزهق الباطل والحق تظهر
والسؤال يارفاقه اسمعوا هو ومضمونه كالآتي
يتكلم عن الميراث في ورث حق الوالدين
ليش دايم كبير الورثه دام ذا الورث ماتقسم
من شرح خاطره لاخوه واخته ويسلم لاسلم
يسرح ويمرح فالميراث كنه لحاله بحق ابوه
واذا قالوا خوانه اعطنا حقنا من حق ابونا
يقطع الوصل لاعاد لايسلم ولا ياقف لحد
ليش يوم حقهم عنده القلوب صافيه منهم علاهو
ياصلونه وياصلهم ولافيهم اللي قد زعل
ويوم قالوا تعال ياخوي عاد ودنا معك انتقسم
اعطناحقنا من حق ابونا واعدل بيننا
قام يزعل وقاطعهم وخذ ضيقه منهم واجتنبهم
كنهم الا قالوا اعطنا حقك فوق احقوقنا؟
وبعض الاخوان يأخذه له وكاله ويرفض لايقسم
ينتظر اخوته يموتون عله يعيش ويلهفه
وبعظهم قال بعطيهم دراهم وبخرجهم بعيدا
يرظو بالقسمه ذابحكم بها او عساهم مارظو
صعبه اعطيهم املاكن وارضي ويبنوها لولدهم
مهو معقول اهب اولادهم في حلوق اولادنا
وبعضهم قال بعطيكم من البيت غرفه واسكنوها
والمسوح اعرضو عنها ولبلاد مابترونها
والبنات يستحو لايطلبو حقهم من حق ابوهم
والاخو مايخاف الله فيهم ويغنم صمتهم
هذا علمي وسلامتكم وردو عليه وفهموني
لني احترت في هذا الدوايس وكيف احلها

شعر: فاطمه القرني