النداء الثاني

بسم الله الرحمن الرحيم

اخيرا ثارت البندقة يا (بندق وطن) لكن وشفيكم رجعتوا الفتيلة (عادا تولع عند خشم فتيحي)

...................

البـــــــــــــــــــدع

الحضارة طيبه لكن كل في مجالــــــــــه
صاحب الفكرة يصورها ويظهر مابداله
مشكلتنا في عقول(ن) فارغه فيها جهاله
ولعي يا نار بندق في فتيحي ولعــــــــي
....
ضاعوا الناس بين الفصل والمتصل
ناس تكدح وناس(ن) في قصور منيفه
لو بغينا أنربي ضاعت التربيـــــــــــــه

,,,,,,,,,,,,,,,,,,,,,

الــــــــــــــرد

صاحب البندق يثور حولنا لكن ماجالـــــــــه
والحقيقه شاعرا ممتاز مانبغى بدالـــــــــــه
واستوى المدقال والمعراض وجه في جهاله
ولعي يا نار في جمب الفتيحي ولعــــــــــــي
,,
صاحبك سافر لجده وعاد اتصـــل
عندنا الغاز والبترول داخل منيفه
يدعم الجامعات ويدعم التربيــــه

’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’ ’’’’’’’’’’’’’’

التحية والتقدير لاخونا الشاعر الكبير ابوحاتم ولكل الشعراء
وللشاعر صاحب البندق اللي تجمل

يابونايف أنتبه ومن أعذر فقد أعذر ترى البندق اليوم جاهز ههههههههه

أنت ياللي رحت جده وش علوم الموتمر
شلت في جنبك مسدس ربع ولاّ الموتمر
ولاّ شاركت الخلايق يوم شفت الموت مر
ولعي يانار في كشحة فتيحي ولعي
لا تنكر يا فتيحي وأعترف قل أجل
الأدلة كثيرة كل موسم وصيفه
والمنابر تنادي الحق للتجليه



يابو نايف قلنا وش تعرفه عن بو عمر
هات باقي السالفه الأنتظار أقسى عمر
والذي يبني حجر لابدّ يكمل بالـ عمر
ولعي يانار في كشحة فتيحي ولعي
كل مخلوق في الدنيا يجي له أجل
والأول دائما عينه تراقب وصيفه
واللاعب ينتبه لا تكثر التجليه

يسمحلنا الشاعر الكبير ابوحاتم
..

وشفيك يابندق وطن (مدحناك وعودت علينا)

,,,,,,,,,,,

الــــــــــــبدع

بندقك ثارت ولا ارى غير دخان الفتيل
ارفع البندق ولا تخطي وتتحمل قتيــل
والمسافه بيني وبينك تعدى الفين ميل
ولعي يا نار في زغد (الضعيف) ولعي
...
جده اخبارها غير وتجينا عجــــــل
واهل الخير اياديها ماترجع كفيفه
علمنا خير مانحتاج للتزكيــــــــــه

,,,,,,,,,,,,

الرد

بنـدقـك بـلجـيـك ولا مـن مـديـل ابـوفـتـيـل
ودي اعرف لأجل مانبلـش مع حراق تيـل
والـمـعـارف لاتـمـيـلها فـلا تـحـتـاج مـيـل
ولـعـي يـانـار فـي راس الـفـتـايل ولـعــي

,,,
شفـتـلـي مـوتـر(ن) يـمـشي بـليا عجـل
سـايـقه مـايشوف الدرب عـينه كـفيفه
لـوتـصـدقــتـبـه مــايـنـقـبـل تــزكــيـه

البدع
يا بونايف لا تجامل صاحبك منذ البدي
قلنا بالفعل شاللي صار في ذبح الهدي
والله أنّي ما ني بغدّار حرم ولا ردي
ولعي يا نار في خشم الفتيله ولعي
بل حلقك بماء وأعجل عجل منه بل
قرّب الصيف ولا بعدنا في خريفه
لا تقول أنتظر للماء من التحليه

الرد
موترك يا صاحبي مصدوم معدوم البدي
وأن مشى يادوب يمشي بالمساعد والهدي
في تماتيكه تلخبط ويتخالف آر دي
ولعي يانار في خشم الفتيله ولعي
الفتيحي علومه تشبه المنهبل
الله أعلم وش اللي ما ظهر من خريفه
مرّه فأربع طعش وأمرار فالتحليه

بسم الله الرحمن الرحيم

البــــــــــــــــدع

ياسعد (بندق) مطولها ولاصاب الهدف
بعد ماجلى في اللعبه وسجلنا الهدف
والمواتر بعضها مايشتغل سوله دف
ولعي يا نار في كل الفتايل ولعــــــي
...
محتمل ينثني راعي الخطأ محتمل
احتمل غلطته مره وانا اقول بكيفه
لا يعرض لقناص(ن) ويد راميه

............................

الـــــــــــــــــرد

فرق بين اللي يشيل الحيد واللي قد حذف
طاح من قد طاح واللي قاوم اسمه منحذف
اكتب اللي تكتبه وان كان ماشي انحذف
ولعت كل البنادق في خباها ولعـــــــــــــت
...
يابوحاتم جملنا للشقى ماحتمل
.....
...
..

اعتذر للجميع وطاب راسي بكيفه
غمر شمران لامـن قام يد راميه

,,,,,,,,,,,,,,,

بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين
اما بعــــد ...

اولا اقدم اعتذاري ونيابه عن اخي بندق وطن
رغم اني لا اعرفه لكن بقول عنه
(نقدم اعتذارنا لاخونا الكبير الشاعر ابوحاتم ولكل الشعراء اللذين شاركوا ابوحاتم في هذه الفكره الرائعه)
....
..

الفكره رائده وهي تتحدث عن المرأه ودورها في المجتمع اللذي ارتضاه لها ديننا الحنيف
رغم مايحدث من محاولة استغلال المرأه بأسم الحريه

*كان موضوع الشاعر الكبير ابوحاتم موضوع هادف ليضع كل شاعر بصمه وقصيده له في الموضوع المقصود وليس الهدف محاوره*
ونتمنى ان تستمر هذه الفكره ونشكر الشاعر ابوحاتم على ذلك

, اما ماحدث مني انا والاخ بندق وطن خارج هذا الموضوع فنحن نعتذر للجميع ,
لكن !! (زعلني بندق وطن يهددني يقول بيثور فيه)

اطلب الاخ بندق وطن ان نتوقف هنا ونترك المجال للاخوان الشعراء حتى تكتمل فكرة الشاعر ابوحاتم

تحياتي وتقديري للجميع

صحت ألسنتكم جميع
ومافي مانع نناقش أكثر من موضوع
خلوا البساط أحمدي

بسم الله الرحمن الرحيم
أجدد ترحيبي بالجميع وأشكر كل من أسعدنا بالمشاركة ، وهي كما تفضل بو نايف إثراء الموضوع شعرا بحيث ننتهي ولدى الشاعر قصيدة كاملة مترابطة في الموضوع المطروح ،،،
وليست محاورة فالمحاورات لها شروطها وقوانينها ،، لازال المجال متاح لمن أراد المشاركة على غرار ما ذكر............ والسلام .

أبشر بسعدك يابو نايف أنت وأبو حاتم

وسامحوني على المداخلات الخطأ

السلام عليكم ورحمة الله و بركاتة

صحت السنتكم جميع

ماشاء الله كفيتو و وفيتو , بنشارك و المعذرة لو تأخرنا بالمشاركة

يالاول

قال بن مفراص يالغالين مدري وش جرى ؟
الخبر منشور في وسط المداين و القرى
البطاله مشكله , في كل دوله تنشرى
والعي يا نار في راس الفتيله ولعي


ياوسيع المعرفه قلنا وش حصل
ودنا بالعمل دام الخواطر شريفه
الوزارة نبي نعمل لهـا تصـفيه


الرد

ما يعيش إلا الذي يزرع نخيل(ن) وشجرا
والذي يدرس ويتعب في كتابه و الــقرى
خوّة اهل الطيب والمعروف لازم تنــشرا
والعي يا نار في راس الفتيله و لعي


نارد الماء من ابيار(ن) ومن وشح صل
يوم بعض الخلايق ساكن اعشاش ريفه
لكن الماء يبـي لـــه دايم(ن) تــصــفيه

بسم الله الرحمن الرحيم
السلام عليكم ورحمة الله وبركاته

يسعدني الترحيب بالجميع واشكر لكم الحضور والمشاركة