فوق هام السحب ( الشعر الشعبي) على متن القوافي

‏مايوفق للصواب الا من الله دلّه
‏جعلنا لامن دعانا الحق مانستكبر

‏قانعين ان الحياه موليّه ومزلّه
‏عندنا عنها خبر والله هو الي اخبر

‏الآدمي ماهوب قاعد حي عمره كله
‏والله ان يجيه يوم يموت فيه ويقبر

‏احمدك واستغفرك يالله وسبحان الله
‏ولا اله الا الله المعبود ( والله اكبر )

‏مطحس بن حمد

نمشي بهالدنيا ولا نعلم الغيب
‏وننسج من خيوط الامل عمرثاني

‏العاقل يآخذ من حياته تجاريب
‏يدري بأن العمر لوطال فاني

‏مسكين منهو كسى راسه الشيب
‏مازال في غيٌه عيانن بياني

‏الموت قبله شال عكف الاشانيب
‏والقبر بيته لو يطول الزماني

ياللي علينا زعلت وشانت أخلاقك
وش غيّرك والغلا لك ينبت ويرقا

أول تقول الممات أهون من فراقك
واليوم أشوفك تموت بطاري الفرقا

‏عيش ‌ بصراحة وابتسـآمةوطيبة..
‏وتصير لجلك معظم الناس عشاق ...
‏
‏إنك فقـير ‌المال مـاهـي مصيبة..
‏بس المصيبه تكون معدوم ‌ الأخلاق

تجاهلي لبعض الاوادم من الله
‏ماهيب شوفة نفس والا كِبر في

‏احب انزل كل شخص بمحله
‏ولا احب اجي لي في محلٍ مهو لي .

يالله ياعالم بهمسي ولسرار
فيك الرجا مانطلب اسواك ثاني

يالله زدني وعي ويمان وصرار
وافرغ علينا الصبر يارب عالي

لاتخزني يوم القيامه ب لوزار
القاك وجه ابيض وشامخ كياني

ياناصر اجنودك على كل جبار
وعلى يدينك ننتقم كل داني

اوفي سبيلك نحمل الحمل لو جار
نحمل عنا المستضعف اللي يعاني

‏شعوري معك يحتار يبدا معك من وين
‏تلوم السكوت ومن يشوفك معه عذره
‏
‏لا عمّ الشعور الصمت ناظر عيوني زين
‏كلام العيون اصدق من الصوت والنبره

‏مساحة الليل ما كانت تكفّينا
‏كنا نسولف ثواني والفجر يطلع

‏والحين عقب المفارق صار يمدينا
‏نشبع هواجيس من 1 الين 4

‏اعتبر صمتي محبّه يا الحنون المُدرك
‏انت غير الناس هذي لا بغيت الزبده

‏علّق الشطر الاخير .. قلادةٍ في صدرك
‏من فقد مثلك فقد له قطعةٍ من كبده

‏استانسي واخذي القلب النزيه الغيور
‏يالفتنه اللي زمام الامر .. في يدينها
‏َ
‏الى غشاك الكبر ولا غشاك الغرور
‏هذي من حقوقك اللي تستحقينها !