>>إله الكـــــونــ<<

وحده إله الكون وحنا عبيــــــده
الــواحــد المعـــــــــبود ماغيره إله

بأمره يميت الحي ويرجع يعـيده
عبــيد حنـــــاله ونمشي على رضاه

من يطلبه مخلص وصادق يزيده
فــوق العطاء يعطيه من خير سواه

وحده إله وكل خلـــــقه شهـيــده
المــــلك له وحده ونمشي على هداه

يأمر وينهي يفعل اللي يريــــــده
كريم فـــــــــــي منّه عظيمه عطاياه

غفور يرحم من رفع يوم ايــــده
ولاخــاب مـــــن يرجيه وبسر ناداه

يلطف ويعفو له مزايا عديـــــــده
ســبحانه اللـــــــي كاملن في مزاياه

يعطف على المسكين ويفك قيـده
ويـسـتر على من بالستر دوم ناجاه

منهو طغى يقدر بلــحظه يبـيــده
وياويــل مــن يشرك بربه ويعصاه

يصبر ولا يهمل ويمهل عبــــيده
ولــيا حكـــــم ياسعد من كان يخشاه

الكون له وحده نعيش بزهيــــده
مــالــه ولـــد خالــــق وخلقه ترجاه

فردن صمد يُعبد وله مايريـــــده
الــواحــد اللـــــــــي ودنا في ملاقاه

كل السموات السبع طوع ايـــده
والارض كورها وجتله على رضاه

وصفه عظيم وفي صفاته فريده
حــــكيم في حكمه عدل في مقاضاه

الحمــد لــه دايــم وذكــــره نزيده
الـــواحد المعــــبود ماغيـــــــره إله
:thumbsup2::thumbsup2::thumbsup2::thumbsup2::thumb sup2::thumbsup2::thumbsup2:
مما راق لي

$أملي بخالقي$