فوق هام السحب ( الشعر الشعبي) على متن القوافي

مساءاتكم خزامى





غير شوفك ما بغت عيني وترجي:


يوم رحتي وصرت انا جالس لحالي
وادري انك رحتي لمكه بتحجي


صرت احس اني بعالم صار خالي
غير شوفك ما بغت عيني وترجي


لو تجي درب الرياض ابها تعالي
كلمتن قلبي كتبها وبك يعجي


واحتري اسمك يجي بدق اتصالي
يبرق الشاشه بضيه او يرجّي


يمكن اقفل من فرح شوقي لغزالي
وامسك الجوال وارقامك ازجي


صرت احج وكني في مكه ومالي
غير بخبار الحجيج اتبع والجي


وانتظر دقه تبر بالشوق غالي
تجمع بقلبين في لحظه وتسجي


واسمع شحالك بحجك وانا بالي
منشغل يسأل متى لحضني بتهجي


يا غلا مقدر على بعادك وفالي
بارض مكه يا حلالي ابتفجي-



———-

الشاعر : أحمد محمد الظاهر القاسمي الظفيري شاعر سعودي نبطي-


ود يليق
@جاهله@

يكون او لا يكون:



ذلت رقابٍ وساحتها ظنون
يوم ماتت في معانيها المراجل


والزمن في رفقته كل الديون
شيك يدفعها مزاد العمر واصل


وبنهاية كلِ ليله جت سكون
يشعِلِ الهوجاس فيها راسِ عاقل


يختبر ذيبن يكون او لا يكون
والثمن دنيا ومواقف ما تجامل


لا تقلّب في فناجيل الشجون
دامك اللي يطلب الراس باسل


لو سهل كلمة أفا بسمك تُهون
ودّع اوطان السما بقبر البهاذل


الرّدى دايم على اطباعه يُمون
والطيور انواع واقدار ومنازل


ما كلِ طيرٍ يرقى فوق المزون
والسما مسرح وما فيها سلاسل


ثمن اقوالك وخل فيها حصون
ما تحدك تعتذر والراس خاجل


لو يهون الراس بسيوف وطعون
خير من تنكيسه فوجه العواذل


ذلت عيون الرياجل في عيون
اكبر جروح المراجل والمقاتل


وارقدي يا اهنى عيونٍ في جفون
راس راعيها عزيزٍ ما هو مايل-


-أحمد الظفيري-

و
@جاهله@

نواف التركي :

شاعر سعودي من حفر الباطن مواليد 1398 نشأ وتعلم في حفر الباطن ثم انتقل للعمل في السلك العسكري
في منطقة الجبيل بدأ في كتابة الشعر من سن ال 16
له مساهمات شعرية كثيرة عبر الامسيات و المهرجانات التي تقام في حفر الباطن
و الغرفة الشعبية بالدمام و امسية برفحاء وغيرها من الامسيات -

———

سوالف العالم طويلة عريضه:

سوالف العالم طويلة عريضه
وانا تعبت الناس ومجامل الناس


بطلت يا اصحاب النفوس المريضة
لا بشتري خاطر ولا بجبر إحساس-



-نواف التركي-




@جاهله@

تعال أمطر :


تعال أمطر ..
يبس غصن الكلام المورق الأخضر ..
ولا ساقي ..
ولا غيمة يبللّ ضحكها أرواقي ..
سنين وشاعرك يقطف عناقيد الكلام العذب ..
ولاغايب قدر يرجع ..
ياليت العمر.. شريط أقدر أعيده كل ما غايب بذر نبتة غلاه بداخلي وأقفى ..
عشان من أوّله أجفى ..
عشان أرتاح من هذا الحنين اللي تغافلني وجاب أقصاي ..
تعال أمطر ..
عشان يكون للدنيا طعم ثاني ..
عشان أذكرك وأنساني ..
عشاني كان باقي لي بقلبك شي ..
عشاني مو عشان الشعر ..
مدد يا سيّد أوجاعي ..
كذا ماعادت الدنيا تساوي شيّ ..
كذا ما أحسّ بأنّي حيّ ..
أنا محتاج لك حتى لو أنّك جرح ..
تعال الليلة أكثر من كذا وأكثر ..
تعال أمطر
تعال امطر
تعال أبيك اليوم
خل بكرة لبكرة
طيّر حمام النوم
لو كنت بي مكره
خلّ الكلام يحوم
وأقنص لك الفكرة
تعال وشوف وشلون أبعث الميّت من الأحساس من قبره ..
تعال أنفخ لك بروح الشعر ما يطرب الأوراح ..
أنا ياسيدّي ربّ الكلام الموجع المرتاح ..
تعال أمطر ..
يبس غصن الكلام المورق الأخضر
ذبلت بغيبتك يا ساقي أحزاني
حسبت أنّي على هذا الغياب أقدر
وقلت أسلّمك لكفوف نسياني
وكان الدرب موحش والحنين أكثر
وكنت بكل درب أروح تلقاني
وكانت كل رغبة داخلي تصغر ..
وكنت أكبر..
ووحدك داخلي تكبر ..
أخيراً والحديث الموجع أحياناً هو الأحساس ..
أمانة خلّني بك غير كل الناس ..
ورح مسموح ..
لا ترجع ..
ولا يورق بعدك أحساس ..
ولا تمطر ..
هي الذكرى وحدها القادرة تبعث حياة بداخلي وأكتب ..
وأحسّ أني مثل هالناس ..
وأحسّ أنّ لجروحي قلب ..
وأروح أكبر ..
مثل كل الشجر لما يتساقط في خريف العمر ..
أنا ياسيّد أوجاعي بديت أسقط ..




-نواف التركي-



و
@جاهله@

عذب السجايا وعوده باول الكنه:


عذب السجايا وعوده باول الكنّه يجيني
متى تزين السوالف واخذ علومه من الراس



والصيف روّح وجانا البرد واستيقظ حنيني
واشعلت شمع انتظاري في رجاه وقلت لاباس



يا اعذب من الما وجودك في سنيني هو سنيني
وشلون ابرواك وعروق الوصل من عام يبّاس


والوقت يركض بلا ساق وقدم ويطيح فيني
وانا اتعلّق على باب الرجا من خيفة الياس




كيف احتوي ضحكتي والشوق عيّا يحتويني
تفجرّت بي ينابيعه سهر واحلام واحساس


والدمعه اللي خذلها الصبر تستغفل يديني
مثل السجين يتحرى من عذابه نوم حرّاس


طال انتظاري وصبري طال واللهفة فعيني
والناس ما تسمع المجروح لا من قال يا ناس


وانت اكثر الناس في قلبي واعرف انك تبيني
تحتاجك الروح ويسولف غلاك ان هب نسناس


بعض العرب لو يجيني قلت ليته ما يجيني
ألا انت ودي تجيني واخذ علومك من الراس






-زايد الرويس-



و
@جاهله@

قال الوداع :



هو يعتقد لو راح مقدر أنا اعيش
دايم يهددني بفك الجموعي



قال الوداع، وقلت يا صاح حتّيش
يا علّها فرقا بليّا رجوعي


لا تعتقد من سبة البعد با طيش
يا صاحبي حبي على كيف طوعي


يا سايلٍ عني أنا قاسيه ليش
بتموت ما تلقا مع الناس نوعي


كف الرسايل لا تدزّ المطاريش
سكّرت عن هرج الوسايط سموعي-



—-وسمية هويدي العازمي (عابرة سبيل )—-



و
@جاهله@

‏فل الحجاج وخل عنك الهواجيس
كلن يموت وحاجته ماقضاهـا

واعلم تـرى الدنيـا تجـارب وتقييـس
مالك ومـال الخلـق تطلـب رضاهـا

خلـك مـع اللـي يطلبـون النواميـس
وخل النفـوس الضايعـه فـي غثاهـا

لازم محلـك فـوق روس التضاريـس
مثـل الصقورالعاليـه فــي سمـاهـا

ولاصارصـدرك مثـل حرالمحاميـس
دعـوه لربـك خــاب منهو نسـاهـا

يكفيـك مـن شـر الليالـي المعابيـس
ويفـرج لنفسـك همهـامـع عنـاهـا

واحذر مخاوى صاحب السـو وابليـس
واحـذر مـن الرديـان تمشـي معاهـا

ومـن لااخـذ الدنيابقيـس وتقيـيـس
يحصـد وياخـذ زرعهـا مـن جناهـا

يطـوى قلبـه مثـل طـي القراطيـس
ويجهل امـوره صحهـا مـن خطاهـا

ولوتطلبـه مـن غاليـات النوافـيـس
والنفـس طماعـه وتتـبـع هـواهـا

ماتاخـذ الا اللـي كتـب رب بلقـيـس
ومـاخـاب عبدطـاعـة الله بغـاهـا

خلهاعليـه وخـل عنـك الوسـاويـس
يجلي عن النفس الضعيفه شقاها


الشاعر ...

الغرب يصنع طايرات وصواريخ
والشرق الأوسط ضاع نفطه بلاشي

حطوا لهم في صفحة العلم تاريخ
وحنا بماضينا نعيد النقاشي

من عقب ما كنا جبالٍ شواميخ
صرنا تحت حلم الليالي ولا شي

شيٍ عجيب يدوّخ الراس تدويخ
وشلون بعد الحر حام الفراشي

اقولها والقلب اقوى من الصيخ
متى نشوف الحق بالأرض ماشي


حمود البغلي الكويت

مساؤكم خزامى



تجري الرسالة للعفيف المهلاّ

تجـري كما يجري نهر سلسبيلا

من ضامر مناهجه ما تفلا

الا بها مولى المثايل وكيلا

لي زفرة باقصى حشاي تجلّى

حاسوسه منها الضماير تصيلا

ردّ الخرقاوي عليه في قصيدة يقول مطلعها:

حي الذي احكم بصحف السجلا

قاف يعسر الجـاش عن در جيللا

عجـزت عن ملواه يـوم افلا

والا أشوف الرد ما قويت احيلا

مير ان قلبي عقب هذا حصلا

عندي أنا للهرج شرحاً طويلا-

منصور الخرقاوي—


ود
@جاهله@

قصيدة الجراح :

عسى مازعلتك البارح وزودت الجراح جراح …
عسى ما مرت الدمعه على اهدابك من اسبابي …


جرحتك من كثر شوقي وخليت الكلام رماح …
ولا ادري شلون ياعمري طعنتك حيل بعتابي ..


بدون شعور صدقني ترى كثر الغلا ذباح …
تعال وشوف بغيابك غلاك شلون سوابي …


حرام تغيب من عمري وتعطيني الفراق اوشاح …
حرام الدمع في عيني مناديله هي اهدابي …


غيابك يشغل عيون الزوايا ويمتلي اشباح …
وانا انثر صوتك بقلب المكان واشعل ابوابي …


تلفت للامل دام الرجاء في عمري يلواح …
اناديلك ولو شرهت وصولك تقطع اعصابي …


ابيك الجاي من عمري انا ما ابيك شي وراح …
ما دامك اجمل واخر ما دامك اول احبابي …



ابي ارتاح يا عمري انا ادري هم تبي ترتاح …
تعال وقبل ما افرح ترى تفرحبك ثيابي …


احبك احبك …
يا بعد عمر الحزن والجرح والافراح …



احبك احبك …
كثر ما نامت عيونك داخل اهدابي …



—الشاعر
سالم السيار-


ود
@جاهله@