منتديات قبائل شمران الرسمية


المنتدى العام مخصص للمشاركات العامة والمتنوعة)(تطوير الذات)(سوق الأسهم)

إضافة رد

 
أدوات الموضوع إبحث في الموضوع انواع عرض الموضوع

قديم 03-05-2010, 12:33 AM   #1
 

مشبب is on a distinguished road
قصيدة في غلاء المهور

نقره لعرض الصورة في صفحة مستقلة

إذا كنت لا تقرأ إلا ما يُعجبك فقط .. فإنك إذاً لن تتعلم أبداً


قصيده رهيييييييييييييييييييييييبه


سبحان من يرزق بتوع الملاييـن*** الرازق اللي ما يخيب الرجـا بـه

لي عم عنده معـرضٍ للصواليـن ***أموت واعرف بس من وين جابـه

وإذا سألته قـال بعـت الدكاكيـن***ما يدري إني ما هضمت الإجابـة

الشاهد إني رحت له قبـل يوميـن***في قصره العامـر ودقيـت بابـه

قال أرحب أرحب عدّد ورد البساتين***يا مرحبا باللـي لفـا يـا هلا بـه

قلت البقا عـدّ النفـل والرياحيـن ***يا شيخ شمل أهل الكرم والذرابـه

قال اسلم الله يحفظك لي من العين***وآمر أوامر حضرتـك مستجابـة

قلت الصراحة طالبٍ قرب غاليـن*** ودي تزوجنـي كريمتـك يـابـه

ثنّى وقال أهليـن والله وسهليـن***والكون ترخص لجل عينك رقابـه

لكن ترا عندي شـروط وقوانيـن***قلت اشرط اشرط يا حبيب الغلابـة

قال أولاً مهر العروسـة ثمانيـن***غير الرسوم وغير حق العصابـة

والثانية عمك يبي منـك سبعيـن***رسم الأبـوّة والنسـب والقرابـة

وأم العروسة حقها منـك ستيـن***عشانها ست الحسـن والمهابـة

وإخوانها كلن يبي منـك خمسيـن***عداً ونقـداً تنـدرج فـي حسابـه

وخواتها الخمس عطهن من ثلاثين***عشان تتوثـق عـروق النسابـة

وتجيب طقم عيار واحد وعشرين***وخاتم من الماس المصفى ترابـه

وأكياس متروسة كعوب وفساتيـن***ألوانهـا وأشكالهـا مـا تشابـه

وموتر بسواقـه وفيـلا بدوريـن***أثاثهـا مـن بطرتـه ينحكـى بـه

واحجز لنا قاعة بقصر السلاطيـن***واحجز بهـا رقاصتيـن وربابـه

هذي الشروط اللي على بالي الحين***وذكرني اللي ما حسبنـا حسابـه

قلت اذكر الله يا عـدو المساكيـن***واستغفـره لا يبتلـيـك بعـذابـه

الظاهر إنك منت عارف أنا ميـن ***أنا لو أرقى فـوق متـن السحابـه

ما جبت حتى نص درزن مواعيـن***واضحك بكيفك واعتبرهـا دعابـة

شروطكم هذي شـروط المجانيـن***شروطكم شغـل ابتـزاز ونهابـه

شروطكم تقصم ظهـور البعاريـن***شروطكـم همّـن وغـم وكآبـه

شروطكم والله سيوف وسكاكيـن***تذبح بنات المجتمع مـع شبابـه

وين الرضا والعطف واليسر والليـن***اللي ذكرهـا الله بمحكـم كتابـه

وين الصفات اللي أمرنا بها الديـن **وين اختفى نهج النبي والصحابـة

يا عم جعل اللي خلقنا من الطيـن**يرد عقلك مـن خطـاه لصوابـه

ويجعل نصيبي عند غيرك قل آمين**ويحسن عزا الصابر ويجزل ثوابه

قال أنت لو فكرت تفكير صاحيـن***ما شفت في مجمل شروطي غرابه

حنا بعصـر العولمـة والمزاييـن *** ماهوب عصر الفلسفة والخطابـة

الناس تسعى للرتـب والنياشيـن***وأنت اهتمامك بالشعـر والكتابـة

والشعر ما ينفعك لو هو دواويـن***ما دام جيبك مثـل بيـت الخرابـة

يا بوك لا تسمع كلام المصاخيـن***واسأل مجرب عاش في وسط غابه

قلت الله أكبر يا محـرر فلسطيـن ***من يسمعك يحسبك ذيـب الذيابـه

تراك شايب رأس مالـك رياليـن ***والبنت ما تسوى جنـاح الذبابـة

قال انقلع مالت على وجهك الشين****لا عاد أشوفـك عندنـا يالزلابـه


قلت ابشر أبشر لكن الباب من وين**وأقفيت من عنده على صوت بابـه


وسلامــتــكـــم ، ، نقره لعرض الصورة في صفحة مستقلة










مشبب غير متواجد حالياً   رد مع اقتباس
قديم 03-05-2010, 01:09 AM   #2
اداري سابق
 

محمد مزهر is on a distinguished road
افتراضي رد: قصيدة في غلاء المهور

شروطكم تقصم ظهـور البعاريـن***شروطكـم همّـن وغـم وكآبـه

شروطكم والله سيوف وسكاكيـن***تذبح بنات المجتمع مـع شبابـه

قصيده جميله تبين حال مجتمعنا هذا الزمان الله يحفظك بحفظه
بارك الله فيك وكثر من امثالك



محمد مزهر غير متواجد حالياً   رد مع اقتباس
قديم 03-05-2010, 03:30 PM   #3
مشرف سابق
 

حكيم البادية is on a distinguished road
افتراضي رد: قصيدة في غلاء المهور

والله قصيدهـ في غاية الزوعه وأحسن بيت
وهو بيت يختصر لكـ المشوار
ما جبت حتى نص درزن مواعيـن***واضحك بكيفك واعتبرهـا دعابـة

شروطكم هذي شـروط المجانيـن***شروطكم شغـل ابتـزاز ونهابـه



حكيم البادية غير متواجد حالياً   رد مع اقتباس
قديم 03-05-2010, 03:47 PM   #4
إداري سابق
 
الصورة الرمزية صالح عسكر
 

صالح عسكر is on a distinguished road
افتراضي رد: قصيدة في غلاء المهور

قصيدة رائعة أخوي مشبب

لآ هنت على النقل والله يعطيك العافية



صالح عسكر غير متواجد حالياً   رد مع اقتباس
قديم 03-06-2010, 01:35 AM   #5
مشرفه سابقه
 
الصورة الرمزية بنت رجال
 

بنت رجال is on a distinguished road
افتراضي رد: قصيدة في غلاء المهور

يخلي بنته تعنس عنده الين يجي اللي يشتريها بالملايين هع

غلاء المهور هي من تكسر ظهور الشباب ويجعلهم عاجزين وعازفين عن الزواج..

رائــع ماطرحت..



بنت رجال غير متواجد حالياً   رد مع اقتباس
قديم 03-07-2010, 10:42 PM   #6
شخـصيه هـامه
 

المستشار1 is on a distinguished road
افتراضي رد: قصيدة في غلاء المهور

قصيده ممتازه جداً والك مني جزيل الشكر وتقدير والله يعطيك مليون عافيه



المستشار1 غير متواجد حالياً   رد مع اقتباس

إضافة رد

مواقع النشر



أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى الردود آخر مشاركة
قصيده جميله تتحدث عن غلاء المهور الالماسه الخواطر والقصص والروايات 4 10-19-2010 03:28 PM
قصيدة بن عزيز غلاء المعيشة بن صهبان الــعــرضــــات والفنون الشعبية 7 12-17-2008 08:10 PM
تحديد المهور حوفان بن عبدالله النقاشات الـجــــــاده 21 07-19-2008 10:54 AM
في ظلال آية. العمده المنتدي الاسلامي 7 02-01-2008 03:03 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية