قصه وأبيات

قصيدة واحد من بادية الكويت
شاف حبيبته بدون مكياج
عقب ما خذاها عن عشق وغرام

يــا صانع المكياج ربي يجازيـك
خليتني مخدوع في شكل خلّي

الله يحرق مصنعك مع مباَنيك
والمعرض الموجود في بيكاديلّي

ادعي عسى تعمى وتنشل رجليك
هذا دعائي دوم لا جيت أصلّي

خليتني اركض ورا البنت هّاذيك
وأشوفها أجمل في غرام ٍحصل لي

قلبي عشقها ياجيفنشي تماتيّك
وإن شافها قلبي تراقـص يـهلّي

قلت إن سمحتي دون مكياج يكسيـك
ودي أشوفـك بالـجمال الـمحلّي

قالت دقايق راجعه لك وأراويك
ذاك الجمال اللي لعينك يسلّي

ويوم رجعت لي شربكتني شرابيك
وحسيت الأرض تدوربي في محلّي

الخد كنه ياجيفنشي سيراميك
والوجه شارع مثل شارع حولّي

الوجه كــنّــه بيت كله شبابيك
من هالحفر ويـلاه ، ياكبر غلّي

كله سبب مكياجك الله يجازيك
خليتني مخدوع في شكل خلّي

اللي بـلا مكياج خلْها حواليـك
واللي على المكياج خلها تولّي