05-23-2008, 03:44 PM
|
#1
|
|
مصافحة أولى
|
|
|
|
بسم الله الرحمن الرحيم
أحبتي أعضاء منتدى قبائل شمران تحية طيبة وبعد
أصافحكم للمرة الأولى بهذه القصيدة التي أتمنى ان تنال أعجابكم وقد نشرت من قبل في منتدى بني عمومتكم منتدى تباله وهاأنا أنشرها هنا لأنها تحمل أسم قبيلتي شمران
إلى لابتي شمران
إلى لابتي شمران أبرسل لهم مرســول
من القـــــلب لكـن فيه بيــتٍ لـــزوم يبين
أبكتب قصيده بس بيت القصيد يـقـــول
ترى الرجل من دون الرفاقه قصير إيدين
وأنا أدري بربعي دايمٍ في الزوم زحول
توقف مع الأصحــاب في عسرها واللين
أفاخـر بهم لا عـود الـعـلم عـد فـــــعـول
وإذا حـانت الـــشدات ناديـت بالـوافـــين
وأنا جيت أشارك منتداهم بنظم وقـــول
وأشــــد الهمم فيـــهم على عـزهم والـدين
ولاني أنا الفـاهم ولاني أنا المســــؤل
ولكن لهم عــنــدي مـــعـزه وبـــاقي دين
وديني من اللي ينتصح لي وأنا مشغول
بلهــو الحيـاة إلين راحــــت سنــين ســنين
وهملت ربــــعٍ دايــــمٍ للمعالي تطــــول
وهم عــــزوتي واللي بلا عــزوةٍ مســكين
ولكن لهم عنـدي ولاء فـاق بالمعقـــول
وأنا جـيت أجـدد هـالولاء للابــتي هالحين
ووضح لنفسي بيت شعري وهو يقــول
تــرى الرجـل من دون الرفاقه قصــير إيدين
شعر غريب الشمراني |
|
|
|
|
|
|
|