لاتبيع منه سلعه

خاب مسعى اللي يراوغ او يخادع في حياته.
ياخسارة بوه وامه انجبا مولود
غاوي.
النمامه والقراده والبخاله
من صفاته.
كل عيب فيه واضح ماتعوضه
العزاوي.
للوفى ماهو بلايق والنذاله
منجزاته.
في المجالس والتلاقي يسمعك
كثر الحكاوي.
وان نصيته في مهمه قام يرسل
مفرداته.
يعتذر بلسان معسوله ومن دون
الهقاوي.
وان شرى سلعه يخاصم لين يكسب
في سكاته.
ينقص السلعه ثمنها لين ياخذ له
عطاوي.
وان سمع علم يفشل صار من ضمن
الشماته.
وان سمع علم يجمل ضاق صدره
مايقاوي.
وان خذا سلعه ثمينه
قام يمسك
في عصاته.
لين ياخذ منك مبلغ من ثمنها
للرضاوي.
من بيامن مثل هذا راحت الشيمه
شتاته.
يجبرك تحمق وتغضب ثم يحدك
عالشكاوي.
ياعسى بقعا تجي له او يعجل في
مماته.
تستريح الخلق من شره ونسلم
من البلاوي.