لسان شمران

البارحه قلبي من الهم ما نام
يبكي ويشكي لدهر شين حاله
امسيت في ليل ن ودمعي على اكمام
ثوب ن طويل الوقت قصر سباله
ومالوم صدري يوم ضاقن الانسام
مرت ليالي العمر ياكم بقاله
الموت رحمه من صودايف الايام
واللي لقاه الموت ياطيب فاله
والموت يشفي من عسيرات الاسقام
كم واحد ن بالموت يرتاح باله
كم ماتت بعيني كبيرات الاحلام
وكم جرح وسط الجوف مامن دواله
في ذا الزمن ماتنفع اخوال واعمام
ماينفع الرجال ياكود ماله
ليا ذكرت اقوام تطري لي اقوام
وليا ذكرت الزين مال الهواله
كاني السجين اللي لقى حكم الاعدام
واللي ذبحني شوف ذيك الغزاله
خيل ن سبوق ن مالها سرج ولجام
يجيبها وجه القمر لو تساله
ليا حكت تحكي مووايل وانغام
ولياسكتت ماني عن الحي داله
وليا ضحكت يازين عضات الابسام
ثغر ن بيروي كل منه ظماله
وليا اقبلت في نحرها اقسام واقسام
وجه ن كمال البدر ياخذ كماله
في وصفها جفت محابير الاقلام
والعز يبني كل منه بناله
والمدح لو يمشي مع الناس بزمام
قدناه صوب اللي بفعله يناله
ربعي بني شمران في روس الاعلام
من تهم لباشوت لاعلى تباله
نعدي كما يعدي للصيد ضرغام
ونقتل جنود القوم عقل وجهاله
كم ليلة ن نغزي وكم غازي يضام
والذيب لو يعوي نجر العواله
وان عشت عيشت عز وان مت مقدام
والكذب بين دوم تقصر حباله

صح الله لسانك

صح الله لسانك على هذه الكلمات الجميله

تقبل مروري

في ذا الزمن ماتنفع اخوال واعمام
ماينفع الرجال ياكود ماله

صحت لسانك وبيض الله وجهك
شاعر مبدع
لاتبخل علينا

صح لسانك قصيده رائعه فعلاً
تقبل اعجابي

صح لسانكـ يا لسان شمران

قصيدة في قمة الروعة والجمال

لا عدمناكـ

صح الله لسانك اخي لسان شمران على هذه القصيده الجميله

تقبل مروري

في ذا الزمن ماتنفع اخوال واعمام
ماينفع الرجال ياكود ماله

صحت لسانك وبيض الله وجهك والله يعيطك العافيه
لاهنت ياذيب
وماننحرم من جديدك
ودمت في رعاية الله

صح لسانك ,,, صعـ المنال ـب

لست لي علاقه لكن صح لسانك