منتديات قبائل شمران الرسمية


المنقولات الأدبية لكل ما هوا منقول من شعر وخواطر

 

 
أدوات الموضوع إبحث في الموضوع انواع عرض الموضوع

قديم 09-30-2020, 02:23 AM   #1
مساعد للمدير العام ومستشار للمنتدى
 
الصورة الرمزية الحمدان
 

الحمدان is on a distinguished road
افتراضي مجاراة بين ثلاثه من عمالقة الشعر

شعتني علوم الصيف وارقلت للمسناد

ولا عاد يعذل واحد طافح شبله

آبي عبلة ضافي عليها كما السجاد

ديار يرود عدودها من يحب ابله

ولا عاد لي من يوم سال الشفا مقعاد

عتيبي وداري فوق ونحيتي قبله

ما دامه وكد لي سيل وادي قليب عناد

انا ويش يحرمني شفا نجد والعبله

ابتبع هوى وضحا تحط البيد سناد

لها غير زين طبوعها خدة قبله

ليا سمعت الحادي نده ندهة الميراد

تقود اول الزعجول لول وتقرب له

ابيها ترفع فوق عن ساخن الانفاد

وتجي في فياح كل مصلاح يطرب له

انا في الديار الطامنه في تعب وجهاد

على كثر مرعاها مداخيلها خبله

عساها يساقيها المطر ديرة الاجواد

ولا بيها لون ثمامها ينقلب ربله


الشاعر .. عبدالله بن عون

مجاراة الشاعر سعد بن جدلان للقصيدة في قوله:

شعتني قصيدة شاعر عذّب القصاد

ما حد يستلذ السالفه لين تنسب له

علومك يابو نايف قراح على الاكباد

لكن تجر قلوب مع الوضح منهبله

مواليف وضح كنها وضح بن عبّاد

لا شافها راعي الدبش طيرت شبله

تواغض مع الريضان كنها خيام أسياد

لونها بعيد بادي الرجم تقرب له

أو حمّى مغاتير مقاديمها شراد

هريب السحاب اللي تواليه منسبله

قبلها ليا من المناره سناها زاد

قبل الاشهب المرشوش لا فضوا اصطبله

عنقا مارق نسنوسها سودها منقاد

مع طول خدتها خراطيمها سبله

شناح طفوح شبلها دايم خداد

لونها مع ذود ابن عمي خذيت ابله

لا ضاقت براعيها الوسيعه بكل بلاد

يحوّم وكبده من اهل المدن مندبله

لا منه نطحها عصر ولا هجد مهجاد

ليا شافته قامت ترازم ترحب له

هذي تنطحه تبغى تقبّله جد عماد

وهذي تنهب شماغه وهذيك تلعب

ومجاراة الشاعر محمد بن عباد السلولي لا تقل عذبة مما سبقه وجمالاً في المعنى حين يقول:

جذبني صدى صوت تلاحت به الأطواد

يتعّب هواة الشعر بعده ومن قبله

صدى صوت عراف لشعر الأدب رواد

منابع عيون الشعر والكلمه الذبله

تلاحوا على وضح عليها العيون حداد

ولوف على صوت الموده تراقب له

دقاق العنوق اللي خراطيمها ورّاد

على حب راعيها شغوف ومنجبله

تقدم لها بن عون في وصفها نشاد

وشعا الاكلبي والاكلبي تلني حبله

وانا قبل صوته ماشي في الطريق حياد

على ما تقول الناس كل على هبله

وبعد زعزع الوضحى فلا عاد لي صداد

سلولي وقلبي طاري الوضح يرغب له

ابتعب واحاول لو لحقني عاد وانكاد

على منهج ما كل قاف يناسب له

وانا في هواها مغرم هايم منقاد

لو اكثر على اللوم في حبها الابله

اوقع لها بالعشر واشهد الاشهاد

انه لاعب بي حبها لعبة السبله



الحمدان غير متواجد حالياً   رد مع اقتباس

 

مواقع النشر




ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى الردود آخر مشاركة
مجاراة شعرية بين عمالقة الشعر محمد بن ظافر الشمراني والشاعر سعد بن عبدالله بن حنتم الشمراني☘️🌹 أبو شريح الشمراني منتدى الشاعر محمد بن ظافر الشمراني 6 10-21-2021 03:39 AM
الشاعر محمد ابو شراره الشمراني يشارك في فعاليات شرفة الشعر بأكادمية الشعر العربي أبو شريح الشمراني منتدى الشاعر محمد ابوشرارة الشمراني 1 02-10-2021 05:24 PM
ثلاثه حروف الحمدان المنقولات الأدبية 9 02-12-2020 09:59 PM
بن مصلح والبيضاني وعبدالواحد...عمالقة الباحه في هالحفله فريق صوتيات شمران الــعــرضــــات والفنون الشعبية 9 01-31-2011 09:49 AM
قلوب النســــــــــاء ثلاثه غريب في غربه المنتدى العام 3 12-09-2010 01:34 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية