صبر ايوب

يامرحبا باللي له القلب محسوب
حبه خذا فكري وروحي وطاها
اسمه على لوح المعاليق مكتوب
وسيول دمعي في غرامه نحاها
انوح لجله واسهر الليل مكروب
ورجلي على دروب المهالك خطاها
وش لون قلبي عن هوا مثله يتوب
والنفس تلقى في غرامه ذراها
مع كل ذكرى يرسل الشوق مندوب
يدعي دموع العين ويفيض ماها
انا اشهد اني في محبته مغلوب
حبه شلع قلبي ونفسي رعاها
الصدر لاجله من لظى الضيم ملهوب
شبت عروقه لين يضوي سناها
قضيت عمري في محبته محروب
تغزيني اشواقه وتدرج رحاها
وش عاد ينفع حب والعهد مكذوب
وبير الوفى ماتخرج الما رشاها
صبري على حبه كما صبر ايوب
يوم ان نفسه عز وقته دواها
وامسى عن الاصحاب بالدار محجوب
وذيدان صبره مابقى الا رغاها
جلده رعاه الدود دمه سقى الثوب
وحليلته لجله تكشف غطاها
يوسف الشمراني

وعليكم السلام ورحمة الله وبركاته

يوسف الشمراني
حياك الله وهلا وغلا ومرحب فيك
وشكرا على هذا الحضور المميز قصيده رائعه فصح لسانك