الرحيل 🍂🍁

الرحيل

نويت ارحل بحلمي يا روحي فمان الله
وداع الغريب اللي مفارق عن ربوعه
رحيلي مثل موتي وصبري تخور قواه
تصدع جبل صبري وهالت به صدوعه
قراري كسر قلبي وحزني تدور ارحاه
والارواح قبل الموت بالبعد منزوعه
على ويش نسعى والقدر واضحن مجراه
مادام الصحف جفت والاقلام مرفوعه
تقول العرب كلن يغني على ليلاه
ويوسف على حبك سقى البيد بدموعه
غرامك سرق عمره على الضيم والمأساه
ضرايب من سنينه على الكاش مدفوعه
مضت زهرة سنينه على ونته والاه
يصالي سنا هجرك وتلعب به اللوعه
عطاك العمر كله وساق الوجه والجاه
وشعرن بيوته بين الامصار مسموعه
وذود الغلا في وسط روض الصدر مرعاه
يقطّف من الخفاق ويدحم على ضلوعه
وكم ليلتن يضحكك حكيك ودمعه ماه
يداري شعورك غصب ماهو على طوعه
عتابك فجر صدره ومات الحكي بشفاه
ليا قال ضقتي والهجر قام مشروعه
وكم ليلتن من ضيقته تاه في مسراه
تذكرك مع غيره وغبنه خلع شوعه
عقد مع ثلاث سنين والحال في بلواه
مضى العمر نهر الوصل ماشرب ينبوعه
فمان الكريم اللي لنا منهجه منجاه
وميعادنا الجنه مع الغصن وفروعه

يوسف الشمراني