شمران ربعي مكرمين العاني .. تصحيح

السلام عليكم ورحمة الله وبركاته


اسعد الله مساء الجميع بكل خير وكل عام وانتم بخير


بادئ ذي بدء احب اشكر كل القائمين على هذا المنتدى الرائع واللي بالفعل كنا نبحث عنه من زمن وذلك للتعريف اكثر بهذه القبيلة العريقه و ايراد اخبارها وكل مايتعلق بها


ثانيا انا لم اعلم بوجود المنتدى الا قبل يومين بعد اتصال ابن عمي وذكره لي ان هناك منتدى خاص بقبائل شمران ويعلم الله انه اسعدني هذا الخبر وايضا هو اعلمني ان هناك قصيده لي قلتها قبل ما يقارب السنتين ونصف وقالي انها منسوبه للشاعر آخر اسمه ابراهيم الشمراني ( نبض الهمسات ) وفي الحقيقه ان قصيده ( شمران ربعي ) هي قصيده لي وانا شاعر اكتب باسم ابراهيم الشمراني من ما يقارب الثمان سنين في الانترنت وفي الاعلام المقروؤ وايضا في اكثر من برنامج اذاعي ولي اكثر من سبعين قصيده منشوره ومعروفه استضفت فيه باسم الشهره وهو ابراهيم الشمراني ولكن بما ان الشاعر الاخر نبض الهمسات يحمل نفس الاسم ولكن جميل جدا انه وضع له (نك نيم) يعرف به حتى مايتم اللبس وللمعلوميه انا اذكر قبل سنه تقريبا دخلت موقع ولقيت الاخ ابراهيم الشمراني يكتب فيه وكان حاط تحت اسمه نبض الهمسات .



الملخص انا ودي اقول ان القصيده هذي لي والشاعر علي بن مسفر يعرفني من زمن وانا اكتب قي منتدى النداوي ويمكن علي بن مسفر سجل في الفتره اللي انا كنت اكتب فيها وانا هنا والله لم اكتب تقليل في حق اي احد ولكن من باب احقاق الحق وتبين الصح

وعلى فكره القصيده المدرجه في المنتدى ناقصه اكثر من 20 بيت لذلك انا هنا انشاء الله بادرج القصيده كامله وايضا بأضع رابط القصيده من منتدى النداوي



صلووو على النبي

يـارب تغفـر لـي وتصلـح شانـي
وأنـك تقوينـي علـى عدوانـي


وتقـر عينـي بالـهـدى والتـقـوى
واجعل عباداتـي تزيـد ايمانـي


وتمدنـي بالعمـر لأجـل اطيـعـك
في كل امر ٍ يقتضي الاحسانـي


يارب مالـي غيـر وجهـك ملجـاء
ماني من اللـي يتبـع الاوثانـي


عبدك وازيـدك حمـد يـا سبحانـك
سبحان خلاّق البشـر والجانـي


خلقتنـا مـن طيـن وادري ايـضـا
الطيـن هـذا مرجـع الانسانـي


مـن طيـن لكـن الطبايـع تـفـرق
كل ٍ وطبعه في رحى الميدانـي


رجل ٍ قليل العـرف عقلـه سـارح
ومن شين حظه .. جاهل وشراني


يزاحـم أهـل الشـور وليتـه يفلـح
مغرور ما يقنـع يكـون الثانـي


( رب أمراء ٍ يعـرف مزايـا نفسـه
وأن الحماقه تخلـف الميزانـي )


ورجـل ٍ طمـوح ونظرتـه للعالـي
صغير سـن ويرهـق الشيبانـي


يازين منطوقـه ومـا أحـلا هرجـه
لامن حكا يسمع لـه السلطانـي


هـذاك مثلـه مـا يـبـدّل شــوره
وتشوف من خالف حكاه يهانـي


ورجّـال مـن بخلـه تقطّـع ثوبـه
ياجعل مال البخل فـي نقصانـي


الحـزن كنّـه فـي كـلام عيـالـه
يعزف موسيقى صاغها الرحباني


يجمع ويحـرم نفسـه مـن النعمـه
ويموت .. ماكان بحياتـه هانـي


ورجـل ٍ يـدور للعشـا مـا يلقـى
فقير عـاش بهالزمـان الجانـي


وساعة يشوف الضيـف يهنـا بالـه
يفرش له الديوان فرش ايرانـي


لو يرهن عيونه .. يسـوق الواجـب
من دون وجهه ينحـر القعدانـي


يـارب والخاطـر تعكّـر صـفـوه
والبال ضايق والحـزن ينصانـي


مـن حاجـة ٍ اشوفهـا واعرفـهـا
واخلف خطاها وليتهـا تجفانـي


قامت تعارك فـي الخفـوق وتسبـي
اجمل سنيني واعـذب الازمانـي


الزلـه اللـي مـن رفيقـي تجـرح
تبقى على مـر الدهـر عنوانـي


عديـتـهـا متـعـمـد ٍ لـكـنّـي
من وين اعـدّي دامهـا تبغانـي


الدهـر يحفـظ للجمايـل ذكــرى
والذكر باقي وانت عمرك فانـي


قـدّم جـزال الفعـل تلقـى تـالـي
لاشان حظ الغير ..حظك زانـي


ولا تبتسم لـي وانـت قلبـك شايـل
وساعة اقفـي بالحكـي تبلانـي


تجهـل وانـا باعلمـك يـا جـاهـل
محسوبـك ابراهيـم الشمرانـي


مـن لابـة ٍ افخـر بهـا واعـلّـي
شمران ربعي مكرميـن العانـي


تهـم وسـراه وحدنـا فـي بيـشـه
صيت ٍ يجي للقاصـي و للدانـي


الصوت في ( باشوت ) يرعب دولـه
من قرن ابن ساهر لأبن حوفانـي


و( السبت ) درع ٍ في الليالي العسره
يحمي سهول ٍ خيرهـا منصانـي


وان جيت لـ( ال الحارثيه ) وقّّـف
وسط ( البشاير ) مقعد الشجعاني


ولا جيت ( ابن شايع ) فسلّم واقلـط
عند ( آل عامر ) تسعد الضيفاني


و( شقيق ) سيف ٍ يقطع ايد السابـي
واهل ( الفزع ) حماية الحدانـي


وصلب ( العوامر ) صلب فخر وعزه
وتلقى بـ( قنونه ) علّية السلطاني


وعيـال عمـي (خثعـم) المعروفـه
ولانيب ناسي قالة ( العليانـي )


بقعاء الامـن غطرفـت واصطاحـت
ياتي لصوت الجبخـان الحانـي


ومـن لا معـه بنـدق يدبـر عمـره
خضر النوافع تنحـر السمحانـي


ومـن زم روحـه مشفـق ٍ للعيشـه
يا جعل روحه بالهـلاك تعانـي


يا سامعي وافطـن هـروج الشاعـر
ماني بأحقّـر قيمـة الصدقانـي


في كل ديره مجـد .. تذكـر وقعـه
ومن لا مدح ربعه ضعيف و داني


ومـن زوّر التاريـخ جعلـه يتلـف
للسيف غمد وللرجـال اوطانـي


تـمـت بحـمـد الله وبتفضـيـلـه
ودي اقول الحين ( صح لساني )


بس البلا من قـول ( مـادح عمـره)
وينشب بحلقـي واحـد ٍ يغثانـي


بأختـم بذكـر العـالـي المتكـبـر
يارب بين النـاس ترفـع شانـي

وهذا رابط القصيده في منتدى النداوي كتبتها في شهر 2 عام 2005 يعني قبل سنتين وثمانية اشهر






واكرر واقول لابد جميعنا ان نرتقي بهذا المنتدى ونتعاون على انجاحه


تقبلوا خالص الشكر والتقدير





اخوكم
ابراهيم بن طهيفان الشمراني

http://www.alnadawi.com/vb/showthread.php?t=29612