قصيدةفي القبائل

قصيدة

فيصل الرياحي في القبايل

قبايلٍ تسكن بأرض الجزيره
جزيـرةٍ تبهـر عريـضـه كبـيـره
والكـل منهـم لـه منـازل وديـره
من ساحل الأحمر ليا ساحـل عمـان
--------
منهم"عتيبه"نـعـم والله عتـيـبـه
قبيلـةٍ بـيـن القبـايـل عريـبـه
أمجادهـم تعـرف ولاهـي غريبـه
ليا حل طار المجد يطـرون عتبـان
--------
ومنهم بني الحارث هل المذهب الزين
كسابة القاله على العسـر و الليـن
تاريخهـم معـروف ماهـم غبييـن
وا لنعم يإبن الحارث طيور حـوران
--------
ومنهـم "سبيع"ونعـم بسبيـع دايـم
تاريخهم يشهد لتهم فـي القـدا يـم
نقـول حـق ولا نحـب ا لظـلايـم
يستاهلون المـدح والنعـم سبعـان
--------
و"غامد" ونعم بغامـد اهـل الشكالـه
قيـف شجيـع كامـلات خصـالـه
الطيـب فيهـم والكـرم والبسـالـه
الاّ وفي وقـت المحاضيـر شجعـان
--------
و"قحطان" ساس الأصل نعم القبيلـه
أفعالهـم مـن غيرهـم مستحيـلـه
بالطيب عـدو كـل عيطـاء طويلـه
وا لنعـم والله ياصناديـد قحـطـان
--------
والنعم "با الاشراف" نسـل الصحابـه
الديـن فيهـم وا لسخـاء واللبابـه
والعرف والمعـروف شـدوا ركابـه
والنصح والارشاد عن كـل عصيـان
--------
وأولاد وائـل نـعـم والله قبيـلـه
أهـل الفعايـل والعمـوق الاصيلـه
منهـم ملـوك يكسبـون ا لنفيـلـه
اسم(عنزه) في قمة المجـد عنـوان
--------
و" شمر" ليا عـدت فعـول النحايـا
وا لنعـم والله يارجـال ا لطنـايـا
حمأيـة القالـه سـهـوم المنـايـا
نقولها فـي حقهـم سـر وإعـلان
--------
والنعم "للعجمـان" مافيـه معـروف
قول وفعل ما تنفع نقـاط وحـروف
مجدٍ تعـلا كنـه سهيـل مشيـوف
دليلنـا فـي مدحهـم فعـل راكـان
--------
و"مطير" حمران النواظر هـل الجـود
تاريخهم من قبل واضـح و معـدود
مجـدٍ مثبتـة براهـيـن وشـهـود
ماينجحـد مجـد وأهاليـه مطـران
--------
ونعمٍ "بحرب" ليا طرا طاري الأمـداح
أهل ا لموا قف كل ماصـاح صيـاح
حرابهـم بالنـوم ماهـوب يرتـاح
من ضيمهم مايمرح الليـل سهـران
--------
و "سليم" أهل مجد مسجل بالاسطـار
ذربين أهل قالـه وبالعـرف شعـار
وأظن هرج ا لصدق مايقبـل إ نكـار
أخذ الأدب والعرف من روس سِلمـان
--------
وجمع "الدواسر" ما بهم قـول قايـل
دوسر جمـل يشتـال كـل الثقايـل
باسمـه تسمـوا والفعايـل دلايــل
غـدران مـوت ماتحلـى بـغـدران
--------
و"بني تميم" اللـي فخرهـم مقيمـي
ود ليلنا قول ابن صقيـه ا لتميمـي
يدري بهم مـن كـان قلبـه فهيمـي
أ خبارهم شاعـت لحضـر وبـدوان
--------
وأيضا "بني خالـد" عـذاب العنيـدي
جو من سلالة "خالد ابـن الوليـدي"
قـول محقـق مانقـول ا لسريـدي
نقرأ ونبحث لين نـدري بمـا كـان
--------
و"زهران" جن الحرب يـوم الحرايـب
اللي طعنهـم يـودع ا لـدم رايـب
هبت لهم مـن كـل طيـب هبايـب
وا لنعـم والله يارجاجيـل زهــران
--------
و"عسير" عسرين علـى كـل طمـاع
سباعٍ تعشي سباع الأقـذال بسبـاع
السيـف بيديهـم مخلـد ومطـواع
ورمـاه ليـا رد النظـر لام نيشـان
--------
و"شهران" مشهورين والجـد شاهـر
الكـل منهـم فـا لمهمـات ماهـر
طيب ليا عدوا هـل الطيـب ظاهـر
معـروف مايطويـه بعـد ونسيـان
--------
و"بالقرن" قرن الموت شرابـة الـدم
حرابهـم يسقونـه الصبـر والسـم
في رؤسهم شيمـه وعـادات ولـزم
ما ينحصي تعريفهـم عبـر قيفـان
--------
وأيضا "بني مالـك" ذكرنـا فخرهـم
الطيب طوع يـد ينهـم ماعسرهـم
ليا ماجت أمواج البحر مـن بحرهـم
بحر يكز الموج مـن غيـر جيـلان
--------
والنعم "بالأحمر" علـى كـل حالـي
في كـل صعبـات اللـوازم رجالـي
شوامـخ ماهـم بـجـرف هيـالـي
كسبان ياحايز على المـدح كسبـان
--------
و"شمران" ليا شمر عن الساعد الثوب
حرابهم يقفـي مـذ لـل ومرعـوب
كم كدروا يوم الكـدر كـل مشـروب
ياهل الوفاء محد جحد فعـل شمـران
--------
والنعم"بالأسمـر" ليـا حـل طـاري
شمعة فخرهـم ماذرتهـا ا لـذواري
يروون صفحات القنـا و الشبـاري
ويوردون ا لسيف لاصـار عطشـان
--------
وصبيان"يام" أهل العمـوق العريقـة
ستر ا لظعن يـوم الايـادي طليقـة
ما تختفي عن عيـن عاقـل حقيقـة
يام ا لحرايب يوم سوقـات الاظعـان
--------
والنعم والله فـي رجـال"ا لشـرارت"
الطيب له فيهـم مـواري وأمـارات
أهل ا لمراجل يـوم الأيـام عسـرات
الكل منهم يجلـب ا لـروح قربـان
--------
أيضا" بني هاجر" كفـوف الأسـودي
يثبت لهم في كـل عليـاء وجـودي
قول عليه الفعل الأبيـض شهـودي
وا لصدق قايـد للمعانـي وقبطـان
--------
ونذكر " بلي" بلواء على كل عاصـي
ليا جاء نهار فيه شيـب ا لنواصـي
رجالهم ينطح خشـوم ا لرصاصـي
ليا طار ستر ا لوجه عن دعج الأعيان
--------
وأيضا "جهينه" عزوة باسهـم بـاس
نطاحة ا لغاره علـى قـب الأفـراس
أمجادهم من يوم خلقوا على سـاس
بيت جويد مـا نخلـع فيـه بيبـان
--------
وأيضا"السهول" لهم مواقف وتشجيـع
يطوعـون ا لضـد لازام تطـويـع
ويقال عنهم ا نهـم حلـف لسبيـع
ذولا وذولا نعـم وافيـن الأفـنـان
--------
وأيضا "الظفير" أهل الظفر والمدايـح
يوم الثميـدي مثـل وبـل الروايـح
ارجـال مافيهـم غمـوز وقـدايـح
منهم زبون أهل لمقاصيـر "نومـان"
--------
وسفيان من قبل النبـوه لهـم بيـت
صحيح لاأ ز ل بكلامـي ولاأخطيـت
قريت في كتـب التواريـخ وأوحيـت
سفيان سلسلة العريب ابـن سفيـان
--------
و"طويرق " أهل الشيمـه المستديمـه
وأهل الوفاء وأهل اليديـن الكريمـه
للجـار عـز وللمـعـادي هزيـمـه
أقولهـا مانـي بـراعـي تـلـوان
--------
و"هذيل" أهل غيره ومذهـب وجيـره
وميزاتهـم مـن غيـر هـذا كثيـره
وليا قـدح للحـرب قـادح ذخيـره
تلقـى مقاديـم الرياجيـل هــذلان
--------
و"قريش" مجـد قريـش كـل درابـه
قوم الرسول وقوم بعـض الصحابـه
ومجـد تعـدى الهاشمـي وشنبابـه
اللي من قلـوب البشـر زال الأدران
--------
و"ثقيف" ما يحتـاج نذكـر فخرهـم
ما دام "ابن يوسف"على طول منهـم
يكفيهـم "الحجـاج" مجـد شهرهـم
بالكتب والتاريـخ فـي كـل ديـوان
--------
و "بني رشيد" مـن القبائـل يعـدون
ليا جت مجـالات المواقـف يبـدون
يبنـون بنيـان الفخـر مايـهـدون
واللي نقدهم مامعـه علـم بخصـان
--------
ونذكر "بني مـره " ونعـم آل مـره
للجـار عـز واللمعـادي مـضـره
واليـوم فـي نعمـه وسـره وقـره
بين الثلاث اللي خذتهـم بالأحصـان
--------
و"أكلب" هل الطالات وأهل النواميـس
إمسيسـن بدوحـة المجـد تسيـس
كلامنـا مابـه مجامـل وتلبـيـس
والقول لاسلم الغـوى والخطـاء زان
--------
والمعـذره يـا واسعيـن المعـرفـه
إن غاب عن تفكيري أحـد ماعرفـه
للشعـر تصريـف وللهرج صـرفـه
ولاينتجـازى الناسـي إلا بغـفـران
*
*
*
فيـصـل الـريـاحـي البـقـمـي
__________________

يعطيك العافيه
دائم اسم شمران عز وفخر بين القبائل المعروفه
تقبل مروري

و"شمران" ليا شمر عن الساعد الثوب
حرابهم يقفـي مـذ لـل ومرعـوب
كم كدروا يوم الكـدر كـل مشـروب
ياهل الوفاء محد جحد فعـل شمـران

صح لسان الشاعر فيصل الرياحي البقمي ونعم فيه وفي كل القبايل

وتسلم يابو عساف على النقل

و"شمران" ليا شمر عن الساعد الثوب
حرابهم يقفـي مـذ لـل ومرعـوب
كم كدروا يوم الكـدر كـل مشـروب
ياهل الوفاء محد جحد فعـل شمـران

صح لسان الشاعر وسلمت يد الناقل

يعطيك العافية ولاهنت

تحياتي واحترامي

الف الف شكر لك على هالموضوع ولا عليه زود انا اشهد انه من فحول شعراء القلطة بالجزيرة

ونالعم بظهور السواني

	صح لسانك..........................ولاهنت على القصيدة................

و"شمران" ليا شمر عن الساعد الثوب
حرابهم يقفـي مـذ لـل ومرعـوب
كم كدروا يوم الكـدر كـل مشـروب
ياهل الوفاء محد جحد فعـل شمـران


صح لسان الشاعر
مشكور اخوي ع النقل الرائع
تقبل مروري المتواضع