أنواع التحطيم للبنت تحطيم البنات

قبل ابدا بالموضوع وقفة بس في قضية تزوير «قفا» طبعا تلاحظون الصورة اللي حاطينها في صفحتي فوق وربي ثم وربي ما هوب أنا وانهم مزورين في القفا أصلا لو هالقفا الزين ذا لي كان ما تأخرت اطلع وجهي وغير كذا اللي مثلكم ماينعطا مقفاااااة وآسف بجد مالي سلطة على إدارة التحرير خاصة يوم رجع لي دبلة الكبد عبدالله ناصر ولا وش زيني قبل ماخذن راحتي عالآخر المهم ما بغي أطول عليكم لأني أصلا ناوي أخلي المقالة ست سطور وبتكلم عن التحطيم وأخص فيه التحطيم عند البنات لأن الشباب مشاء الله عليه لو تجلس تحطم فيه من الصبح لآخر الليل قالك بالأخير أنت تكلمني؟؟؟ المهم تجده متبلد نادر ما يخضع لعملية تحطيم وحتى لو خضع شرب زقارة وروق والتبلد انواع فيه تبلد يجي بالفطرة وفيه تبلد يجي عقب ماعون فول قلابة وفيه تبلد يجي عقب كف في واحد من مراكز الشرطة وفيه تبلد مستورد مع قمصان الجينز الضيقة للشباب والقمصان اللي يظهر فيها السر في قمة تبلده الأخلاقي المهم الشباب ماهم قضيتي لأني ملاحظ ان شبابنا فديت خششهم البريئة خاصة لاشفتهم صافين على مطاعم البخاري كل واحد يقول نص وربع تحسب الدعوة ترشيح. المهم أنواع التحطيم كثيرة لكن من باب المزح اخترت بعض انواع التحطيم عند البنات وطبعا عند البنات كثيرة بذكر بس اربع حالات من 578458665 حالة. والحالة الأولى واللي تشوفها بشكل يومي هي في مكياج البنت وتزيينها يعني لو وحده توها مخلصة مكياج وزاروها ثنتين من صديقاتها وحده تحبها موت ووحده تكرها وتجمعو على هاللي متمكيجة بتلقا تقولها اللي تحبها الله مره حلو مكياجك يا عمري يهبل بس لو ان الكوافيره مارفعت الحجان فوق ولا وسع لك اطراف الشفايف ولا خلت الشعر على جنب تقل باكستانية بتعرس ولا قصقص في القذلة ولا كنتي بتطلعين أحلى يا عمري انتي «طبعا ذي اللي تحبها» وذيك مسكينة من التحطيم براطمها صافقة الأرض وعقبه تلتفت لها اللي تكرهها وتقول للي تحبها اقول تحمدي ربك بس لاربي يبلاك بشيفتن زيها «اصلا لو النذالة مكياج يمديه حتى محلات الورش يبيعونه من الربحية اللي بتجي من وراه» المهم وفيه نوع ثاني من التحطيم «ماكني قلت ست سطور المقاله؟؟» واللي هو التحطيم الدراسي وهذا طبعا يتبرع فيه أولياء الأمور بزعمهم ان البنت اشطر من الولد ويوم الولد يجيب درجة 50 من 100 قالو له بعدي ولدي جبتها «خابرينه دلخ فديت قلبه لو يسئلونه مستغربين كيف قدرت تجيب 50 في ال100؟ قال الله يهديهم لو مخليني ادخل كل الكتب معي الامتحان وربي جبت 55 في ال100» ولا جابت البنت 85 من 100 قالو لها مالت عليك هذا قدرك يا البليده يا الراسبة يا يا يا لين يزحفون بخشتها تحت طاولة الامتحانات من التحطيم اللي يجيها وكن البنت مخلوق ذكي في جهة وغبي في ست جهات المهم نجي للنوع الثالث للتحطيم للبنت وهي في اختيار الزووج يووووووووووووووووووه هذا التحطيم اللي مابعده تحطيم تجيب صورة خطيبها على نياتها تبي تفرح مع صديقاتها وتوريهم اياها تقولهم وش رايكم بخطيبي وخذ عاد الراي 1 - خشمه كبير. 2 - عيونه صغار. 3 - قصير 4 - يييع دب. 5 - اصلع وهي طبعا تسمع ودميعاتها فديت خشتها اتحدر من على خدها من قو التحطيم «الله يذكر زوجتي بالخير يوم حبت توري صورتي لصديقاتها جابتهم وجمعتهم وقالت شفتو راعي هالصوره؟ قالو ايوه قالت شفتووه كويس؟ قالو ايووه قالت وربي ماعرفه ولا لي علاقه فيه» تعال عاد للتحطيم الأخير اللي مقدر اخوض فيه الا بمقطع صغير وهو انه في احد مقاطعات مدينة جهانزبرق شمال الهفوف بنت حبت ولد عن طريق حمال الأسية الهاتف والولد مات على ذلك الصوت ويوم ربي اراد ان يوم الأربعاء الموافق من شهر محرم 1402هـ هو يوم بأئس وتحطيم بقوة تقدم المذكور اعلاه لخبطة هالبنت اللي بدورها تمكيجت «وياليتها ماتمكيجت» جلست تصلح كثير في وجها عشان تقابل خطيبها ويوم قابلها قال ابوها للمعرس ها خلاص شفت البنت ارتحت؟؟ قاله ايوه ارتحت لني اكتشفت شي عظيم قال الأب وشو؟ قال اكتشفت محبة الله لي اللهم لك الحمد من حبه ربي ابتلاه «وجبة دسمة على اطرافها جبنة من التحطيم» همسة بسيطة في اذن اكل شخص يهمه نظرة الناس ورايهم واي شي يخص متعلقات حياته بالأول لزم تعرف انك جزء من الناس يعني انت ايضا لك رايك وتذكر دايم انك في حالة الزج في رايك لأي مخلوق فتاكد انك احد ثلاثة يا كاذب وتحاول انك تخلق من هالكذبة عجرفة واظهار صورتك بانك القوي الذي لا يجامل او صادق كذبت في رأيك حتى لا تزعج الطرف الآخر او انك صادق فعلا ولا يعني ان الرأي هذا يشمل الجميع في النهااية كلهااا بطيخ فاللي تبي راي الناس اتحمل ردودهم واللي على قناعة واقصد قناعة معقولة تنسجم وتتناغم مع وضع مجتمعنا المحافظ «ويذكرني بالمثل صيني حساوي مشترك يقول عندما ترغب في اكتشاف عيوبك استشر عدوك فانه عندما يخبرك بمحاسنك فتأكد انها عيوبك» لو محد سمع هالمثل من قبل مشوها ياما مشيتو لي كثير جات على ذي؟ في النهاية اتمنى انك ما تحاولين الأستماع لرأيهم الا عن طريق مؤشرات العيون وحركات الوجه اللي كلها نصب صدقيني وقتها بيعشونك جو الفديو كليب الأخير الديوتو اللي تم على انغاض ثلوج جبال الآلب بين نانسي عجرم وعبدالحليم حافظ الله يرحمه. رفيع الشان