يقول من...

	بسم الله الحمن الرحيم هذه القصيده الشهيره للشاعر الراحل محمد بن احمد السديري رحمه الله والذي يقول فيها يقول من عدا على راس عالي رجم طويل يدهله كل قرناس في راس مرجوم عسير المنالي تلعب به الأرياح من كل نسناس في مهمة قفر من الناس خالي يشتاق له من حس بالقلب هوجاس قعدت في راسه وحيد لحالي براس الطويل ملابقه تقل حراس متذكر في مرقبي وش غدا لي وصفقت بالكفين ياس على ياس اخذت اعد ايامها و الليالي دنيا تقلب ماعرفنا لها اقياس كم فرقت مابين غالي وغالي لو شفت منها ربح ترجع للافلاس ياما هفابه من رجال مدالي ماكنهم ركبو على قب الأطعاس ولا قلطوهم للكمين الموالي ولا صار فوق ظهورهن قطف الانفاس ولا رددوا صم الرمك للتوالي كل يبي من زايد الفعل نوماس من بينهم سمر القنا والسلالي مثل البروق برايح ليلة ادماس يقطعك دنيا مالها اول وتالي لو ضحكت للغبن تقرع بالأجراس المستريح اللي من العقل خالي ماهو بلجات الهواجيس غطاس ماهو مثيلي مشكلاته جلالي أزريت اسجلهن بحبر و قرطاس حملي ثقيل وشايله باحتمالي واصبر على مر الليالي والاتعاس وارسي كا ترسي رواسي الجبالي ولا يشتكي ضلع عليه القدم داس يابجاد شب النار وادن الدلالي واحمس لنا يابجاد مايقعد الراس ودقه بنجر ياظريف العيالي يجذب لنا ربع على اكوار جلاس وزله الى منه رقد كل سالي وخله يفوح وقنن الهيل بقياس وصبه ومده ياكريم السبالي يبعد همومي يوم اشمه بالأنفاس فنجال يغدي ماتصور ببالي وروابع تضرب بها اخماس واسداس لا خاب ظني بالرفيق الموالي مالي مشاريه على نايد الناس لعل قصر مايجيله ظلالي ينهد من عالي مبانيه للساس لصار ماهو مدهل للرجالي وملجا لمن هو يشتكي الضيم والباس بحسناك يامنشي حقوق الخيالي ياخلق أجناس ويامغني أجناس تجعل مقره دارس العهد بالي صحصاح دو دارس مابه أوناس البوم في تالي هدامه يلالي جزاك ياقصر الخنا وكر الأجناس متى تربع دارنا و المغالي وتخضر فياض عقب ماهي بيباس نشوف فيها الديدحان متوالي مثل الرعاف بخصر مدقوق الألعاس وينثر على البيدا سوات الزوالي يشرق حماره شرقة الصبغ بالكاس وتكبر دفوف معبسات الشمالي ويبني عليهن الشحم مثل الأطعاس منقول للفائده

اختيار رائع

اخي الغالي رافع الهامة

كلمات ولا اروع

اشكر لك حسن الإختيار

وهكذا عهدناك

اختيار رااائع وجميل
ابيات قوية
شكرا لك

المشاركة الأصلية كتبت بواسطة شيهان شمران

اختيار رائع

اخي الغالي رافع الهامة

كلمات ولا اروع

اشكر لك حسن الإختيار

وهكذا عهدناك

مرور وتعليق من مشرف وشاعر مبدع الله لايهينك

ياشيهان شمران لك مني كل التقدير والإحترام..

المشاركة الأصلية كتبت بواسطة فوائد

اختيار رااائع وجميل
ابيات قوية
شكرا لك

تسلمين يافوائد والله لايهينك على المروروالتعليق...

ابدعت في الاختيار

وابيات اعدها من عيون الشعر

من وجهة نظري المتواضعه

اختيار موفق وفقك الله وبارك فيك
اخي رافع الهامه

المشاركة الأصلية كتبت بواسطة حنين الامس

ابدعت في الاختيار

وابيات اعدها من عيون الشعر

من وجهة نظري المتواضعه

مشكور على المرور والله لايهينك ووجه نظرك في

محلها من منا لايعرف الشاعر محمدالسديري..