نهـــر الحـنــان ❤️️

نهـــر الحـنــان







عطيتك جنون العاطفه وأعنف الاشواق
وحفظتك ورى عقلي وأحاسيسي الحرّه
ونهر الحنان اللي تدّفق من الخفاق
يساقي غلاك وينبت العشب في برّه
وبعد غبت عني من سحابي سرى البراق
وزاد الدجاء والنور ما قص له جرّه
ياليتك معي من ساحل الرمش للاحداق
بعديدٍ عن أعيون الحسود وخطر شرّه
عسى الله يعين اللي بعد رحت صدره ضاق
جداه الحنين ولو بكاء الدمع ما سرّه
على اللي وحدها نجمة داخل الأعماق
مثل نجمة تحت السماء ما لها ضرّه
هي الورده اللي عطرها يغرق الأوراق
وهي الدره اللي ما وجد مثلها درّه
عليها توقف خاطري والحياه أذواق
طريق الهوى مفتوح مير الغلا الغلا مرّه
تملّك خيال الشاعر الملهم العشاق
حديث العيون وما تسولف به الغرّه
لو الحب في علمه يجي للغرام أسباق
تحديت في علم الهوى عالم الذرّه


خالد البقمي