هنا الشعر الفصيح ومايتعلق به

ليه المسآ عوق الشقآوي وطبه
وليه الهبوب تصحي القلب لآ بآت

وليه القمر يدعي جريح المحبة
ويقول له يا هيه .. ما فات .. ما مات

جرحك ظهر لو قلت للوجه خبة
وللحزن في ضحكك رسوم وعلآمآت

وليه المطر بالذآت ريحة وصبة
كآنه رسول ِ بين الآحبآب بالذآت

اشتآق فيه لـ شوفتك واتنبه
للي نسيته من مواقف ونظرآت

لا استآنس الخافق ذكر من يحبه
ورجع يراجع في الوناسات ما فات

يا مرتع القلب الحزين ومربه
يزين بك مثل الذهب صدر الابيآت

هيهآت ينسى القلب شخص لعب به
وهيهات يدله خاطري منك هيهات

نبع الغلآ عندك وعندي مصبه
ومن الولا في خافقي لك ولايات

وطيفك حطب عيني وعيني مشبه
والشوق برد ما انقطع لو لحظات

ومكآنك الصدر ولك القلب شبه
بين الضلوع اللي فردهآ التنهات

ولك بيرق في القلب حبك يهبه
شآمخ ولا هزه من العذل غآرات

محبتك في الوقت ذا ما تشبه
الا بـ خيمة بدو بين العمآرآت

ان شفتني ضايق واهوجس واسبه
اخاف غدر الوقت والوقت دورآت

لا تحسب ان دمعي نزل دون سبه
ابكي من الفرقى واهي مآ بعد جات

اليوم كل امورنا مستتبه
وبكره ما ندري وش معه من مسرآت ؟

ارب قلبك مثل قلبي أربه
ما يخلفه كثر العذل والمسآفآآت !



محمد ابن فطيس