بعض مما في نفسي لفقدان أخي علي بن جروان رحمة الله عليه (رثاء)..

بسم الله الرحمن الرحيم

كتبت كثيراً من القصائد في فقدان أخي علي رحمة الله عليه لاكنها لم تعبر عن الألم ولم تكن كلماتها بحجم محبتي له وألمي على فراقه ولم أشأ أن أنشرها في وقتها واليوم بعد مرور أكثرمن عامين أحببت أن اوثق بعضها هنا ..

أتذكره لأدعوا له بالمغفره والرحمه ..
رحم الله علي رحمه واسعه وأسكنه فسيح جناته وموتى المسلمين جميعاً ..

.................................................. ..............

يالله ياشافي قلوباً مثقلات(ن) بالجراح ... يالواحد المعبود يارحمان ماغيرك ولي

تجبر عزا نقس(ن)ولاها الهم عقب الانشراح... هم الفراق اللي كسر قلبي وقرب مقتلي

فارقت أخوي اللي منومسني مثل نور الصباح... ان قلت ابوي أبوي وان قلت اهلي هوأهلي

ياوجد حالي وجد شيخ(ن) عقب قاد القوم طاح... وياتل قلبي تل ظميان(ن) لميحان الدلي

على فراق اللي لياعدوا هل الجودات لاح ... مثل البروق اللي يجيك الغيث منها هملي

العام انا وياه في دار(ن) مداهلها براح ... واليوم ياعيني عليه ابكي ودمعك سيلي

أنا أشهد اني من بعد فرقاه مكسورالجناح... ياويل حالي كل ماقالوا دفن تحت الصلي

وأنا أشهد ان الهم خيم في فؤادي واستباح ... عقلي وقلبي والمكان وكل شيئ عندي خلي

والموت حق ولاعلى الدنيا مقرومستراح ... يارب صبرني على نار(ن) بقلبي تصطلي

وأدري بان الحزن مايبري دموعي والصياح ... لاكن تجبرني دموعي لاذكرتك ياعلي

ياليتهم خلوني أوادعك ياطيرالفلاح ... وأحضن كفوف(ن) ماتمد الا العطايا الجزلي

وش عاد باقيلي في الدنيا سوى طعن الرماح... اللي غرسها الموت في قلبي وصعب(ن)تنجلي

فيارب لاتقطع رجاي من الرجال أهل الصلاح... اللي تنومسني ليانادا صلي(ن)في صلي

ويالله يامجري على الدنيا نسانيس الرياح... تغفر ذنوبه ياقدير وياكريم(ن) معتلي

..............................
..القصيده الثانيه..

يافوح قلبي على فرقالك فوح الدلال ... لما تقربلها رجل(ن) كريم أجودي

فنجالها لابرد مامدبه للرجال ... يركي عليها من الجمر الحمر موقدي

ماكنها الا على كبدي وقلبي تصال...وافز من حرها ولاأهتني مرقدي

عليك يامن بطيبك بانيلي ظلال ... من صغر سني وطيبك تنثره في يدي

علمتني كيف أوقف فوق روس الطوال...وبين الرجاجيل لي عدي ولي موردي

وعلمتني بان ساس الرجل نبل الخصال...حتى عرفت الطريق اللي عليه اهتدي

ورحلت عني وشفني اليوم باخس حال...اقوم واطيح واخطي الدرب واحدي حدي

وين انت يابومحمد يوم حمل الثقال...انت انت ولا هلي مافيهم اللي ردي

عليك رحمة الاه الكون رب الجلال...وياجعل قبرك من الجنه وسيع(ن)مدي

.................................................

..رحمة الله علي رحمه واسعه واسكنه الله فسيح جناته..

صح لسانك يابونايف ,,, والله يرحم فقيدكم .. ويسكنه الجنه

ومالكم الا الصبر

اخي العزيز ابو نايف اسعد الله اوقاتك بكل خير

ورحم الله من كانت هذه الكلمات في رثاه

وان يرحمه رحمة واسعه

اخي العزيز ان علي بن جروان ليس فقيد لآل جروان

او ال ظهابه اوالبشائر فقط فيعلم الله انه فقيد لشمران

كافه من الحجاز الى تهامه ولكن هذه سنة الله في خلقه

ونعم بالله : انني لم اعرف المغفور له بأذن الله عن قرب

ال في الآونه الأخيره لفارق السن بيني وبينه ولكن كأنني اعرفه

من زمن بعيد فعرفت فيه المحب لقبيلته والمحب للأصلاح دائما

والمهتم لأمور القبيله بصفه عامه فجزاه الله عنا خير الجزاء

وان يجعل قبره روضه من رياض الجنه انه القادر على ذلك

هذه عدة ابيات من قصيده لي قلتها في عدد من رموز القبيله

الذين يصعب تعويضهم وعلي بن حروان احدهم

ولكن لهم منا الدعاء الصادق بالرحمه

وان يسكنهم الفردوس الأعلى من الجنه

وبو محـــــمد من خيــــــار القبيـــــــــــــــــــله // ان غـــــاب بن جــــروان ما غـــاب طـــاريه

من بيــــت عـــــز وزايــــــد العـــــز خـــــــاله // رجـــــــــله على درب المــــراجل تمــــاشيه

يا ما ســعى بالطيـــب من اجل الأصــــــــــــلاح // والله دائم ما يخيــــــــــــــــــب مســــــــاعيه

هــــــذا وانا عــــــــرفي مـــعه عـــــــــدة ايام // يا حــــــــظ من قضــى حيــــاته مخـــــاويه

فيــــــا الله يا اللي رحمتــــــــك مـــالها حــــد // اللي هقـــــابك لا تخيـــــــــب هقــــــــــاويه

مع تحيات اخو ك بن حمدان

اخي الكريم فيصل الساهري .. شكرا لك علي مرورك وكلماتك الطيبه

لك خالص الشكر والتقدير

اخي الكريم ابو ماجد

بيض الله وجهك ... وجزاك الله خير على ما ذكرت



اخ عزيز وغالي.. دائما وافي

لك كل الشكر والتقدير

اخي ابو نايف هاكذا الدنيا ماعليها مستريح ::::::: وكل ماعليها فاني ولايبقي وجهه سبحانه
اشكرك على القصيد الجميل والرايع للراحل بن جروان الله يرحمه رحمة واسعه
والله يجزاك كل خير دمت بصحه وعافيه

قال الله تعالى:{ الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلاً }(1).
والإنسان عندما يصاب بمصيبة، فإن له أحوالاً في تقبل تلك المصيبة، إما بالعجز والجزع، وإما بالصبر وحبس النفس عن الجزع، وإما بالرضا، وإما بالشكر.
فلانملك إلا الدعاء لفقيد الكل أسأل الله أن يجمعنا في مقعد صدق عند عزيز مقتدر
العبارات تتبعثر خصوصا عندما تعود بنا الذاكره للوراء ونقلب المواجع ولكن طريق والكل سالكه
لكن لانقول إلا مايرضي ربنا( لله ماأحذ وله ماأعطى إنا لله وإنا إليه راجعون)
وصح لسانك ياأبونايف وصح لسان الأخ:أبوماجد فهذا يدل على معدنه الأصيل
ونسأل الله أن يغفر لجميع موتى المسلمين

الله يرحمه ويتغمد روحه الجنه

الله يرحم الفقيد ويسكنه جناته

صح لسانك يابونايف

أخي الكريم محمد مزهر

أشكرك جزيل الشكر على كلماتك الطيبه , وأهتمامك لك كل الشكر والتقدير