ألاجواد واجـد والمراجـل لهـا كسـاب

ألاجواد واجـد والمراجـل لهـا كسـاب
لكن واعد العشـرة ليـا صـرت جمالـي

يطير الشـرار وكـل نـارٍ لهـا شبـاب
ومن ولع النيران يصبـر علـى الصالـي

تجارب حياتي معجـزة والدروب أصعـاب
ولقيت الرجال انـواع والـوان واشكالـي

صديق الشدايد ما خذا منك علـم وجـاب
وسيع الصدر يضحـك ولا هـو بزعالـي

صديـق الشدايـد لا ينافـق ولا يغتـاب
يدلـه غريـب الـدار ويزيـن الجـالـي

وصديق الرخى عقاب ومصادقـه عقـاب
شجاع الحكي والمـدح بالقيـل والقالـي

وصديق الرخى ما غير صورة ولبس ثياب
يا ليته يبرقـع مالـه شمـاغ وعقالـي

وعنـدي نصيحـه جـد ماقلتهـا لعـاب
أقول الصحيح ونايـم القلـب يصحالـي

ترا خوة أهل الطيـب يالطيبيـن أطبـاب
يطيـب السقيـم وخـوة الاش سـلالـي

تغانم شبابك يا بيض الوجه دامك شـاب
ترى البدر لو يطلع قمـر عـود أهلالـي

فلا تهجر المسجد وخلـك ورى المحـراب
ترى روضة المسجد لهـا منـزلٍ عالـي

ولا تترك اللي يزهمـك خايـفٍ مرتـاب
ترى الذل ما نجـى الثعـل بـا لتحيالـي

ولا الندى غير الفدى لـو تـروح أرقـاب
ومن ضاع شوره يا خذ الشـور ويمالـي

ومن با شـرك بالعـذر لاتلحقـه بعتـاب
ولا تشوف نفسك شيخ والنـاس عمالـي

ولا تهين نفسك لو تجي بين ضرس وناب
وهيبتك لا تنقـص ولـو ربـع مثقالـي

وبنت الردي لا يعجبـك زينهـا الجـذاب
تراهـا كمـا المخيـال خيـل وتخيالـي

ولو شفت حمر خدودها والثمـان أعـذاب
لا بدك تمنى ليـت مـا جالـك أعيالـي

ولدها لياشاف النقـى والملاقـى هـاب
ذليـلٍ بخيـلٍ فيـه خفخـاف وجفـالـي

أخذ بنت قرمٍ طيـبٍ ساسهـا مـا عـاب
تنومسك بنت الشبـل ويجيلـك أشبالـي

أعيال الذياب تصير مثل الذيـاب أذيـاب
وعيال الثعالـب مثلهـا زهـر الاذيالـي

وفرخ الصقر مثله وفرخ الغـراب غـراب
وبوم الخـراب ايقابـل العـش ويلالـي

الي صار راسك فوق يا طيـب الا نسـاب
فـلا ينحنـي لقـدام رجليـن ونعـالـي

لكن الله اللي يكتب الـرزق يـا خطـاب
هو اللي يفك البـاب ويقـص الا قفالـي

ولا يهمـل الا واحـدٍِ عايـفٍ الاشبـاب
ولا ضيع أحقوق البشر غيـر الا همالـي

وترى للقصايد كيف والكيف لـه شـراب
وانا ما اشرب الا كيف راسـي بفنجالـي

ولا طاوع الجاهـل ولا جامـل النصـاب
أقـدم يميـن الحـق واحـط معـذالـي

ولا نيب و الله طيبن له مـع مـن طـاب
ومن طاب لي برخص له الحال والمالـي

أكذب وانا خابـر واجامـل وانـا كـذاب
سنين مضت هـي صـدق والا يورالـي

تلخبط جهاز المخ وانهـارت الاعصـاب
وفورت دمـي وارتفـع ضغطـه العالـي

لكن في رجى اللي من رجى رحمته ماخاب
هو الواحـد العالـي وهـو ربنا الوالـي

وهو الخالق الرازق وهو المعطي الوهاب
لـه الملـك كلـه والكمايـل والاكمالـي

رئوفٍ رئيـفٍ رحمتـه تنقـذ المنصـاب
يغيث الديار الممحله عقب المحالي

شديد العقاب ويعتق المذنب اللي تاب

عسى ما يواخذنا بسيات الاعمالي

كما قاله الله فصبروا يأولي الالباب

ترى الصبر زين وكلمة الحق تنقالي

واصلي واسلم عد ما تنبت الاعشاب

وما لاح براقٍ سرى يشعل أشعالي

على المصطفى اللي وحد الدين والاحزاب

شفيع أمته يوم الهوايل والاهوالي



الشاعر عبدالله بن شايق رحمه الله

قصيدة رائعة


جزاك الله خيـر

بارك الله في جهودك
وأسال الله لك التوفيق دائما
ونفعا الله وإياك بما تقدمه

طرح رائع
جزاك الله خيرا على ماقدمت من فائدة
شكرا لك
دمت برعاية الله

شكرا على الطرح المميز
بارك الله فيك
مع خالص تحياتى وفائق تقديرى

أهلاً وسهلاً بكم جميعاً
شرفتوني بتواجدكم وتعقيبكم
لكم مني أجمل التحايا واطيبها لاعدمتكم

أخي العزيز الحمدان
شكرا لك على هذا التواجد الفعال
والمشاركات النافعه والمفيده
فبارك الله فيك وجزاك الله خير