-::بن شلحاط قصيدة في ـشمران::-

هذي قصيده في شمران وتم دعوتي من الاخ العزيز
عبدالله بن علي بن غصاب آل دلبوح الشمراني
وهذي قصيدة اقل شي اقدمه لشمران وبن غصاب
واعذروني على القصور

شمران موقعهم على النت جذاب=خلاني انشد من عموق القبيلـه
حتى وقفت لمجدهم فخرواعجاب=ومن شدة اعجابي بغيت انتميله
بأعضاء موقعهم شبابن وشيبان=سلام والعرفان والشكر هيلـــه
لجهودكم في ذكر زاكين الانساب=جمعن لتاريخ الجموع المهيلـــه
شمران يذكر مجدهم كل حساب=ويرجح بكفتهم على كل كيلـــــه
امحاربين الترك من دون الاعراب=ودون الديار بوقفتٍ وتهليله
ومالو بأبن يوسف عقب كان حراب=ضاقت تباله كسب جيشه وخيله
بالشيخ ابن حوفان فأتهامه إذياب=وابن ثواب بلابته قو حيلــــه
والبيت ابن شعلان واربوعه اطناب=والشيخ ابن رايز يروز الثقيلـــه
وجماعت ابن بريك للخصم مجناب=والشيخ ابن شايع زعيم ودليلـــه
والشيخ ابن ساهر على ربعه حجاب=وعبدالعزيز ابن الزعامه بجيلـــه
شمران بستأذن بعد فتحة الباب=قريحتي ماهي عليكم بخيله
شعاركم واجد , وأعرف ابن غصاب=وبعد اذنكم ياكاسبين النفيلـــه
بأهرج معه على شفا طلة اهضاب=لوني اصغر منه سن وفصيلــه
عملاق شعرٍ لأعتلا كل محراب=صاحب سمو او انه صاحب فضيله
منبر أدب مرجع وقاموس وكتاب=عساه يقبلني مساعد وكيلـــه
عفواّ ياعبدلله وادور للاسباب=ابغى رضى شمران بأية وسيله
شاعر وانتم كفو ياطوال الاشناب=الى انس البارود صلو الفتيلــه
واسلم وسلملي على الشيخ بسهاب=وقبل عقال ظلال كل القبيله
قل لأبن عوضه ذي تحيات الاجناب=على عقالك فالامور الجليلـــه
يامفخرة شمران في كل ماطاب=ياذخرهم ياعاشق المستحيله
لابركو من كايد الحمل ماغاب=وحملن يكود اقصى ربوعه يشيله
مسفر سما ذكره مشايخ ونواب=عدا البشوت الضافيات الاصيله
ودعمه لموقعكم من احسابه احساب=اجر وغنيمه وانتساب وجميلــــه
غصنٍ من اغصانٍ تظلل به اصحاب=وغصون شمران الحارثيه ظليلـــه
وشمران باشوت الزحازيح لأرتاب=خطوى الذليل وجالهم ترتكيلـــه
واما الفزع تفزع الا جارهم هاب=وبأسماء شقيق تصيح لاصار ميله
قومٍ لهم صوله وجوله وضبضاب=تكتب نباها بالسيوف الصقيلــــه
كرمان شجعانٍ واهل دين وشهاب=لأهوت على راس المعادي تزيلــــه
شعري يأبن غصاب من باب الاعجاب=وشمران مجدٍ سعد من ينتميلــــه
وكاني نسيت ابناء الفحل شامخ الناب=في وجه ابن عوضه من ادنى فشيله

وسلامتكم

الأخ الشاعر محمد بن شلحاط

الله يحييك تحية السيل والله يحيي ملفاك وطاريك.
صح الله لسانك وبيض الله وجهك على جزالة كلماتك
وغزارة معانيها وماتحمله من مشاعر
نبادلك نفس المشاعر ونتمنى لك اطيب وأسعدالوقات معنا.
فحضورك يشرفنا.

تقبل مني تقديري وجزيل شكري

الشاعر محمد بن شلحاط

صح لسانكـ وبيض الله وجهكـ على هذا المدح وماعليكـ زود يبن الأجواد

قصيدة جميلة جدا تحمل في ثناياها الكثير

فالله يحييكـ بيننا تحية السيل بين ربعن يحبون ضيوفهم ويخلونهم مثل ولد البطن الواحد

ونشكر ابن غصاب على دعوتهـ لكـ فوالله نعم الرجال وماعليكـ زود

ودي واحترامي

محمد بن شلحاط
أررررحب تراحيب المطر

وبيض الله وجهك على هذي الجزاله والاطراء ولاهيب غريبتن منك ويشهد الله انك تاجن على الراس ونتنومس بك وانت تعرف مقدارك زين
ولاانت من الاجناب انت بين ربعك

ومدحك لي وسام وفخر اعتز فيه

لاهنت يابو مانع
/
\

حياك الله يابن شلحاط قصيده إن دلت على شي فإنما تدل على معدنك الأصيل
ماعليك زود وكلنا ربع وأنت راعي مكان وبيض الله وجهك وصح الله لسانك على الأبيات الجزله
تقديري لك

صح لسانك والله يا بن شلحاط على هذه القصيدة الجزلة

وأنت ضيف علينا وحبيب وغالي من طرف الغالي عبدالله غصاب

لآ هنت على هذا الإطراء والله يبيض وجهك

ـاخوك / صالح عسكر

المشاركة الأصلية كتبت بواسطة ابوحامد

الأخ الشاعر محمد بن شلحاط

الله يحييك تحية السيل والله يحيي ملفاك وطاريك.
صح الله لسانك وبيض الله وجهك على جزالة كلماتك
وغزارة معانيها وماتحمله من مشاعر
نبادلك نفس المشاعر ونتمنى لك اطيب وأسعدالوقات معنا.
فحضورك يشرفنا.

تقبل مني تقديري وجزيل شكري

الله يبقيك ويسلمك يأبو حامد
وتستاهلون واقل من حقكم
تحياتي لكـ

مرحبابك مليوووون يابن شلحاط وماعلاك زود

صح لسانك والله يبيض وجهك ولا هنت

قصيدة جزلة والمشاعر متبادلة

احترامي وتقديري لشخصك الكريم

شمران موقعهم على النت جذاب=خلاني انشد من عموق القبيلـه
حتى وقفت لمجدهم فخرواعجاب=ومن شدة اعجابي بغيت انتميله
بأعضاء موقعهم شبابن وشيبان=سلام والعرفان والشكر هيلـــه

صـــح لسآنك ..

وكاني نسيت ابناء الفحل شامخ الناب=في وجه ابن عوضه من ادنى فشيله
..........

بسم الله الرحمن الرحيم

مرحبــــــــــــــــا ملايين بالشاعر بن شلحاط
انت مجار من الفشيله وانت بين ابناء شمران مدحت وماقصرت
والطارف من شمران سديد ولو نسيت احد فأنت معذور

يستاهل بن غصاب المدح وانت ابيض وجه وصح الله لسانك
والله يحييك تحية المطــــــــــــــر