قصيدة بن ظافر مع الجنية

هذه القصيدة للشاعر بن ظافر سمعتها
له في شريط قديم بصوته
وجبتها هنا بناءً على طلب اغلب الاعضاء


البارحة من فتنة الخلان
وأنا على هاجوسي الحيران
جتني بنيه صوته رنان
وكفوفها باللول محليه

سمعت صوت اللي يقول أفتح
من قبل ماليل السمر يصبح
ترى القمر للمسترق يفضح
وزيارة الاحباب سريه

من غير ما أنشدها عن الانظار
فتحت لاخايف ولامحتار
حسبتها من سكنين الدار
تبغى بنا حاحه ضروريه

قلت اصبري حتى اجلب الاتريك
يادوب جا للكهربه تسليك
من حقنا ياضيفنا نرضيك
لو كان حالتنا شقاويه

قالت ترى الفانوس يكفينا
أجلس تراي الليل يطوينا
ماودنا أحد(ن) يستمع فينا
وابغاك في حاجه خصوصيه

رديت عيني والتفت لها
من غير ما أنشدها ولا أسألها
ابغى اعرف الديرة ومنزلها
لولا أنها طاحت على الكيه

قلت اش تبي ياناعس الطرفين
وش مطلبك وش مقصدك يازين
قالت زيارتنا حن الاثنين
تبقى عن الحساد مخفيه

قلت الزياره مالها منكور
والضيف له عند العرب مقدور
من حقكم نعطيكم الميسور
والصبح يجلب كل مطويه


لك عندنا التقدير والاكرام
وانحن ضيافتنا ثلاثه أيام
قدامها ما نأخذ الاعلام
ولا نبي منك المعذريه


من قبل مانور القمر وضاح
بانت وكنها لمبة المصباح
وألا كما برق(ن) كما لا لاح
في جو هباتن سماويه


دارت علينا القفل والمفتاح
واطفت علينا النور والمضواح
قالت بعيده وابغي المرواح
وأصبحت في دنيا خلاويه


قالت تراني من بلاد الشام
أبوي أمير ويحكم الحكام
عنده عبيد وعندنا خدام
وأنا حقيقة الأمر جنيه


ثم أقبلت مني وأنا مختاف
تثني قوام العود بالارداف
قالت ترى قلبي عليك أهتاف
والعين من عقبك هموليه


أعيش من حبك على ذكراك
والروح ماتقوى على فرقاك
ياما أتعس الدنيا وياما هناك
ماترحم النفس الهواويه


خليتني بين الرجا واليأس
أعيش بين الصمت والهوجاس
غريبه ماكني بوسط الناس
أمشي وروح الروح مبليه

صحت لسان الشاعر الكبير ابو سامي وشكرآ للاخ ابو خالد على تنزيل هذه القصيده

وبطيب لي ان اكتب هذه الابيات الموجهه لابو خالد ومنه الى ابو سامي

ياكاتب الابيات والقيفان
بعد السلام ورحمة الرحمان
قريت قصة كان ياماكان
قصة غرام بشعر مرويه

قصة لقدوة ربعنا الشعار
وضح لنا فيها بعض لخبار
سوالفه دايم تجيك قصار
دايم كذا طبع الهواويه

ولاحد(ن) ينشد عن المضمون
ولايقل ويش الخبر وشلون
مفهومها ادروا يالذي تدرون
و لاعلينا مالعموميه

زانت لي القصه ونا مشتاق
لشعار بو سامي ليما فاق
يجلب بكار تتعب السواق
ماساقها الا واحد زيه

صحت السنتكم شعرائنا المبدعين