بنت الأفكار

بنت الأفكار

تالي الليل اولّي والبشر في سبات وهاجعـــــــــــة
وين ما اولّي الهوجاس قبلي يكلبش فاقتـــــــــــي

لعنت(ن) تلعنك يابنت الافكار ياللي ضايعـــــــــــة
واستضعتي قراري لين بطّلت ادوّر حاجتــــــــــي

استثرتي بشخصي دون خلق الله وانت متابعــــة
مذنب ابحقك او مجرم وهربان من قصاصتــــــي

وش يخصّك علي او هو امر من دواير شاسعــة
ما تسدّك يديك اللّي تمزّع بوكيهة باقتــــــــــــــي

تطعني ثم تجري طعنتك بالقضايا الشايعــــــــــة
وتورِّمي في جبيني هلال يعني انّي امقت حالتي

وان بتلتي بتبطي عظم بابتل وقلبي بايعــــــــة
للطليعة تربينا وبالعون ما ارخي هامتــــــــــــي

ارحبي لارحبتي واركبي مابخيلك فارعــــــــــــة
واسرجيها جيوش مدججة بالقصيد اقبالتـــــــي

وابتدع قتل ناموسك واذيع الصلاة الجامعـــــــة
ويصبح قتل الهوى سنّه وكل الاوزار وزارتــي

المهمّ انّي بحلّل ذنوب الهوى وابايعـــــــــــــــة
وآترقّق لعين الزين يامر ويلقى اجابتـــــــــــــي

حتّى لو يامر وينهي بنفسه بقلبي سامعــــــــــة
ايه ذا احساس سادس خصه الله برختر مهجتي

صح يكفر بي الهاجوس لكن حظوظه رايعــــــة
يدني ابطول حبله كافرة لين افرّغ طاقتــــــــــــي

هاتِك ابهون يابنت القصايد وروحي لايعـــــــــة
اقعدي واصطلي في حر شوقي وقولك قالتــــــي