الخواطر والقصص والروايات يهتم بالخواطر والقصص والنثر التي من نزف الأعضاء |
![]() |
|
أدوات الموضوع | إبحث في الموضوع | انواع عرض الموضوع |
![]() |
#1 |
![]() |
![]() يقـول مــن عـــدّا على راس عالي =رجــمٍ طــويـلٍ يدهـله كل قرناس فـي راس مـرجـومٍ عـسير المنــالى =تلعب بـه الأرياح مع كل نسناس في مهمهٍ قفرٍ من الناس خالي =يشتاق له من حس في القلب هوجاس قـعـدت فـي راسه وحـــيد لحــالى =براس الطويل ملابقه تقل حراس متذكرٍ في مرقبي وش غدالي =وصفقت بالكفين ياسٍ على ياس أخذت اعد ايامها والليالي =دنياً تقلب ما عرفنا لها اقياس كم فرقت مابين غــــالى وغـالى =لو شفت منـهـا ربـح ترجــع للافلاس يا ما هفا به مـن رجــالٍ مـدالـــى =مـا كـنّـهـم ركبوا على قب الافــراس ولا قـلـطوهـن للكمـــين المـوالـى =ولا صـار فـوق ظـهورهن قطف الانفاس ولا رددوا صم الرمك للتوالي=كلٍ يبي من زايد الفعل نوماس مــن بينهـم سمر القنا والســـلالـى =مـثـل البـروق برايحٍ ليله ادمـــاس يقطـعـك دنـيـا مـا لـهـا أول وتالى =لـو اضـحكـت للغبن تقرع بالآجراس المستريح اللي من العقل خالي=ماهو بلجات الهواجيس غطّاس ماهوب مثلي مشكلاته جلالي= ازريت اسجلهن بحبرٍ وقرطاس حملي ثقيل وشايله باحتمالي=واصبر على مر الليالي والاتعاس وارسي كما ترسي رواس الجبالي=ولا يشتكي ضلعٍ عليه القدم داس يـا ابـجـاد شـب النار وادن الـدلالى =واحمس لـنا يـا ابجاد ما يقعد الــراس ودقه بنجرٍ ياظريف العيالي=يجذب لنا ربعٍ على اكوار جلاّس وزله إلى منّه رقد كل سالي=وخله يفوح وقنّن الهيل بقياس وصبه ومده ياكريم السبالي=يبعد همومي يوم اشّمه بالانفاس فـنـجال يغـدي مــا تـــصور ببالى =وروابـعٍ تـضـربْ بها اخماس وأسداس لاخاب ظني بالرفيق الموالي= مالي مشاريهٍ على نايد الناس لعـل قـصر ما يجيلــــه اظلالــى =يـنـهـد من عالى مبــانيــه للساس لا صـار مـا هو مدهلٍ للـرجـــالي =وملـجـأ لـمن هو يشكى الظـيم والباس بـحسـناك يا منشى حقــوق الخيالى =يـا خـالق اجـناسٍ ويامفــنى اجـناس تجعـل مـقـره دارس العهــــد بالى =صـحـصاح دوٍ دارسٍ ما به أوناس البوم في تالي هدامه يلالي=جزاك ياقصر الخنا وكر الادناس مـتـى تـربع دارنـــا والمـفــالى =تخضر افياضٍ عـقـب مـاهيب يباس ونشـوف فـيـه الـديدحــان متـوالى =مثـل الـرعـاف بخصر مدقـوق الالعاس ينثـر عـلى البيـداء ســـوات الزوالى =يشـرق حـمـارة شرقة الصبـغ بالكاس وتكبر دفوف معبّسات الشمالي=ويبني عليهنّ الشحم مثل الأطعاس محمد الأحمد السديري |
![]() |
![]() |
![]() |
#2 |
![]() |
![]() الله الله مااجمل الشعر إذا كتبه السديري
وماأجمل الموضوع إذا جى منك يا سلمان |
![]() |
![]() |
![]() |
#3 |
![]() |
![]() شــــــــكــــــــراً لــــــــك يــــــــا أبــــــــو الــــــــرشــــــــد
|
![]() |
![]() |
![]() |
#4 |
![]() |
![]() شـكــ وبارك الله فيك ـــرا لك ... لك مني أجمل تحية .
|
![]() |
![]() |
![]() |
#6 |
المدير العام لمنتديات قبائل شمران الرسمية
![]() |
![]() اخي سلمان
شـكــ وبارك الله فيك ـــرا لك على نقل هذه القصيده لك مني أجمل تحية . |
![]() |
![]() |
![]() |
|
|
![]() |
||||
الموضوع | كاتب الموضوع | المنتدى | الردود | آخر مشاركة |
افراح ( آل عساف ) تغطية زواج / عالي بن عساف بن عالي آل عساف الشمراني | علي آل حــــازم | الزواجات والأفراح والتهاني لقبائل شمران | 21 | 10-12-2012 06:41 AM |
ضيف يحل عليكم من غامد | أبو أيوب الغامدي | الترحيب و الضيافه | 18 | 03-29-2012 12:32 AM |
أبو عالي يصف أهل الجنوب | abo assaf | ديوان الشاعر عساف بن عالي بن عساف الشمراني | 7 | 01-20-2012 10:35 PM |
ما عاد لي من بعد روحتك غالي ! ! ! | راجي الوصل | بـوح الـقـصيد للشعراء الأعضاء | 5 | 07-09-2011 12:34 AM |
ليش التناقضات (الوزير اليوم يقول بعد 12يوم)ومصدر يقول ان الوزير لا يقصد@** | ولد صقران | التربية والتعليـــم | 3 | 01-09-2009 02:00 PM |