قصيدة موجهة للشيخ مسفر بن عوضة للشاعر / ابو حارث

قصيدة موجه للشيخ /مسفر بن عوضه الشمراني
توكلنا على الخالق ولاغيره عليه اتكال
توكلنا ونطلب ربنا وإللي طلب ماخاب

يالله نطلبك إن تصلح النيات والاعمال
وتكتب خير للسامع والحضار ياكتاب

وذا شعرٍ نظمته في موفي القول ولأفعال
عسى يلقى عسى يلقى قبول ويلتقي الاعجاب

يابوتركي لكم منا الثناءياطيبين الفال
مواقفكم تجملكم مع الاجناب والاقراب

لكم منا الوفاءوالبيض ننشرهابروس جبال
على كل الملا تنشرونرفعها على مرقاب

جملت ومن جمل يسلم وتبقى ضلع ماينهال
نماري به ونعدي به ونبدي به وربي جاب

لنامسفرمثيل البحرصفاقً وعزه جال
يافكاك النشب سعد الرفيق وللعدا مشهاب

اذا نادى العرب مسفرنقول هذامن الأبطال
كسب حب العرب والله وهوللمرجله كساب

على اسمه مسفرٍوجهه ويبقى نجمناوهلال
اذا غابت نجوم الناس نور نجمنا ماغاب

مواقيفه نبيله لازم نعلم بها الأجيال
علينا واجب نحدث بها وندرس الطلاب

عطاه الله جاه وطيب وفيه الطيب لامزال
وعطاه الخالق الاخلاق وهذي منة الوهاب

ذكرنا الطيب بطيبه وطيبه من صفات البال
طيبه ماهوشعر لاطال البيت شوي قلنا شاب

حشا لله طيبه مايشيب يزيد كالهمال
تقافته الرعود وبارقه يبرق وزاد سحاب

كريم له براس الجود مرباع وله منزال
ولاينصك باب الجود باب الجودعنده باب

اذا جاء ضيف مايعرفه كنه خوه والاخال
يرحب بك حجاجه قبل مايشرحك بالترحاب

تراحيبه تكفي الضيف ماغيره زود المال
تجي وتقابله وتروح من عنده وصدرك طاب

ولوتشكي له هموم كثيرات لهمك شال
يفرج كربتك والهم وكنك غالي الاصحاب

جملنا دامه الله لا رتكا للصعب والاثقال


يدك الصعب ويهل الصعايب ماحسب الاصعاب

جنوب المملكه والشرق والاغربها وشمال

يدوس على الخطر بالخف ويعدي من المحناب

جملنا لهدر قض الجمال ويعجب الجمال
ونفخر من جملنا لاهدر والا صرف له ناب

ولاشخص يقول عندي جمل مثله وفيه جمال
نقول وينه جملك ولو يجي بيشوفه القصاب

جملنا عزوته شمران لاخايف ولاهو ذال
جمل ذيك السنين المر خاف ومن جملنا هاب

كلام نثبته بإثبات ونجاوب اذا حد سال
نجاوب له بشعر ابوجعيدي يوم قال وجاب

يقول مافي النجوم الا سهيل وفيه غيره قال

ومن ينكرما يكتبونه عسكري ولاتلبس كاب

لو عيونه شرار من جهنم هايل هيال
عليه ان يعترف وان مااعترف ذا جاهل لعاب

وكم جاهل وكم فارس حمى الاول ويحمي تال
غزانا يفتل اشنابه وعود حلق الاشناب

سبب نظم القصيده لا حد يلمز من الانذال
شيمنا والرفق ومحبة الرفقه وذا الاسباب

حفظك الله ياابوتركي لنا في الحل والترحال
يمين ان المشاعر صادقه فيكم ماهي بكذاب

انا مااقول شعريتعب النقاض والفتال
على التقصيرلاقصرت تعذرنا عقول ألباب

وصلى الله على محمد عدد مارتل الانفال
وعددما ذعذع الغربي ومر سهولها وهضاب



محمد بن عبدالله الشمراني ابوحارث