فوق هام السحب ( الشعر الشعبي) على متن القوافي

اشتقت لعيونك وزايد بي الشوق
‏نظراتك اللي تشلع القلب والروح

‏فارق بزين الوصف عن كل مخلوق
‏شعر الغزل لجلك نجيبه مع البوحًً

بعض البشر مثل العسل والجواهر
مهما وصفته بالطيب ماله أوصاف ..

وبعض البشر طيبه على الناس ظاهر
ما يختفي مثل القمر دووم ينشاف

على الهون ياسود الليالي تراني ماش
ونفسي من ظروف الزمن باح خافيها

عيوني على حظي وحظي طريح فراش
والامال والله مندرى ويش تاليها

السنين معجزه والعرب متغيرين
والديار من الاجاويد شبه الخاليه

عزتي للي يـدور سلوم...الأوليين
العرب جاها بلا فـ السنين التاليه

‏اثر الشـدايـد تكـشـف الناس للناس
ويبيـن فيها اهـل الحكي والصمايل

كم واحدٍ وقـت الرخا تحسبـه راس
ولا هبّـتـه هـــوج العــواصف تمايل

لـيـتـك تفاجئني بصــوت اتصــالك
عشان اسج من التعب والتعب غير

على الاقل : لو قلت وشلون حالك
آقول طيّب حتــى لو ماني بخير

فيها تمرد وعنفوان وقووووه
وشموخ نظراتها يعانق الغيم

ياعاشقين الخيل شوفوا علوه
سبحان ربي خالق الخيل والريم

فيها أختلاط من صفات المرووه
وفيها جمال العين والشكل تصميم

‏من لا يحس بقيمتك وانت موجود
ماهو بناشد عنك لا صرت غايب .

حاول تفرق بيض الأيام والسود
ياقلب ماكل الحبايب .. حبايب

اللي يبيك يجيك لو دونك قيود
يكسر على شانك خشوم الصعايب

واللي يبي فرقاك لو دربك .. ورود !
ما جاك لو إنك من أدني القرايب

انتي قوافي الشعر وسجعي ونثري
وانتي لقلبي نبض ولجسمي الروح

أنتي زهور فلي ومسكي وعطري
همسات فمك تجعل الصدر مشروح

شيدت* لك مسكن.. سقفته بصدري
وأقفلت عليك قلبي الذي كان مفتوح

‏مثل الوسم طلة حروفك ومبداك
‏يـروي عرووقٍ يابســه لاغمرهــا


‏عنيـت لك قـافي على حدّ يمناك
‏وارخيت لك هدب العيون ونظرها