قصيدة نبطية للشاعر عثمان بن غرم الله

بسم الله الرحمن الرحيم
اقدم لكم اليوم قصيدة للشاعر المعروف عثمان بن غرم الله الخناسي الفزعي الشمراني من شعراء قبيلة شمران وهو من البادية من تبالة
والقصيدة لامانة النقل منقولة من منتديات الصايرة ومن الكاتب سحمان الاكلبي
اترككم مع القصيدة
ياعيــن خليـني أعــرف لـذة النــوم×××××وآبـــات لـــو لــيل مـرتــاح ورايق
المـطلب الــلي تبـينه شـبه مــعـدوم×××××لحـيث مالـي علـــى وصله طــرايق
لاكــن لاتيــســين اليــاس مــذمـــوم×××××النــصر والرزق مـن رب الــخــلايق
مســاري الليــل مع ضلعان وحـزوم×××××عنـدي عليهـا مـن الماضي وثايــق
مذهـب وخايف ومكــلوف ومـلــزوم×××××آريــح الــبال وآعــرف الحــقـايــق
عن يومي اللي مضى دونه ميـة يوم×××××عــن سـر خافـيه عاقتني عوايــق
بقــا على صفــحـة التاريخ مـرسـوم×××××مــا كـني آغــيب عــنه ألا دقايــق
خلاني أشري بدون اسواق وآسـوم×××××يضـحك لي الدهر وأثر الدهر بايـق
أشـــري بضـحكة ندم وآبيع بهموم×××××من ضيــقة البال كــن الـــون ضايق
صحــيح ماجــات به ليــام مقســـوم×××××كل يسوقه على المقســــوم سايــق
لاكـــن مــن يجـــتهد ما يلحـقه لـوم×××××مايجــحــدونــه مــولــعة الـــحرايق

الشاعر /عثمان بن غرم الله الشمراني