| الضحك والفرفشة بحدود المعقول "طرح المواضيع التي تبعدنا عن روتين المنتدى الرسمي" |
 |
|
|
أدوات الموضوع | إبحث في الموضوع | انواع عرض الموضوع |
12-10-2011, 02:28 AM
|
#1 |
 
 |
تكفون يابنات خفو علينا
ورقة المقاضي !!
 ورقة المقاضي ياعااااااااالم قسم راحت حياتي كلها اوراق صغيره .. جيوبي مليانه .. كل ظهريه وبعد صلاة العشا طيب يازوجتي العزيزه فيه شي اسمه دمج .. رئاسة تعليم البنات بكبرها دمجوها .. ماتد مجين انتي ورقة مقاضي الظهر مع ورقة مقاضي الليل ونفتك من هالقلق اليومي المشكله وشي المشكله اني اقرا طلبات مالها داعي بس مجبور اجيبها .. دراق / طماط/ بقسماط/ برغل / واخرتها مانلقا على السفره الا كبسه وان سوينا نفوسنا كنديين حطينا فجل طيب هالبقسماط والصولجان وبقية الاسامي الصعبه لمين طبعاً لخواتك اذا جوا يوم الربوع وانا ياغافل لك الله طقني الجوع مع ابوشايع وابوعبدالله وان سوينا فيها فجور وكااااااش ارسلنا حنيف يجيب بروستد وتهاوشنا على الثوم والمدام مع خواتها يتنعمون من خير الله ثم خيري ومن تعبي ومطامري في البقاله مع ورقة المقاضي مره سويت فيها ذكي وبعد ماقضيت لزوجتي يوم الربوع قلت بروح للشباب .. واطب على المدام بدري واحصل خواتها عندها وتوهم حاطين العشاء … يلعن ام الكااااارثه .. اخيرا شفت ورقة المقاضي صدق .. لقيتهم حاطين سفره بدايتها في المقلط ونهايتها عند ساسكو اللي ورا حلبان الى درجة انهن حاطين سيكل جنب السفره علشان اذا وحده بغت صحن من طرف السفره يمديها تجيبه .. والقى لوحه مكتوب عليها ( السلطه 60 كلم ) قسسسسم بالله مافيه شي ماهوب على السفره المشكله ان زوجتى تعاملني على اني ابلة تدبير وعندي خبره وانا والله ما افرق بين الملوخيه والكزبره تقوم تكتب لي مره في الورقه كيلو كنافه كذابه قسم تروعت وش ذا الكنافه الكذابه , انا اعرف الصادقه يوم اعرف الكذابه .. واروح البقاله مالقيتها اتصلت بصديق قال رح لمحل حلويات .. واروح وانسى اسمها واقول لراعي المحل عطني كنافه نصابه ناظرني بأحتقار وعطاني اشكل بدل مايعطيني كنافه .. في الاخير رحت عنده وقلت ياااخي معليش انا نسيت اسمها بس انها كنافه ماهيب مضبوطه يعني كنافه كافره وبتروح النار ضحك قال قصدك كنافه كذابه قلت ايييييييييه هذي هذي ابي منها كيلو .. زحمه وكنافه كذابه واخرتها قطعة خبز لاعبين علينا وحاطين عليها شيره وكله كوم ويوم خذت اختي في المدرسه طريقة عمل المكرونه بالبشاميل سرى يومنا ماغير ناكلها الى درجة ان ابوي اضافها في دفتر العايله لانها صارت جزء من العايله ووحده مننا الله يحفظ الوالده .. ورقة المقاضي حقتها ماتتغير علشان كذا مانرميها انا حاطها في المفضله لانها هي نفس الطلبات كل يوم بصل/ طماط/ رز/دجاج/خبز/ واذا بغت تسوي نفسها حركات استبدلت البصل بثوم واذا ملينا وبغت تجدد فيها حطت الرز قبل البصل والخبز قبل الطماط والله اني عشت عمري كله وانا نفسي اكل شي جديد وخاصةً ذا اللي يقولوه اومليت الى درجة اني سكنت في فندق مره علشان لقيت في القائمة اومليت مادريت انه بيض المشكله ماعندهم رحمه .. درجة الحراره في عز الصيف الف وانت تطامر من محل الى محل وبمعية سموك ورقة المقاضي لو تجيب العثيم كله وتنسى شي بسيط قامت القيامه ولازم ترجع وانت اصلاً شرير ولاعمرنا شفنا منك شي يابخييييييييييييل .. وياعيني على استخدام التقنيه ورقة المقاضي صارت من العصر الحجري الحين تجيك المقاضي مسج على الجوال والله اني ابغى اصيح اذا قريت رسايل جوالي ورسايل جوال اخوياي العزوبيه .. كل رسايلهم / ( عندما تشرق شمس يوم جديد اذكرك .. ) , ( كفاني ان جنح الليل يغشاني ويغشاك .. ) ( الله على الجمس لولا وراد الستين ) << رسالة داخله بالغلط خويته ابوها شريطي ههههههههههههه وانا تعال شف رسايلي / ( حليب سريلاك .. ) , ( ارجع بدري نبي مويه ) , ( وانت جاي جب اعواد اسنا ن ) <<<<اعواد اسنان في نص الليل الله من الاعذار بس وماقطع قلبي ونكد علي حياتي الا اذا طلبوا تسالي تجيب برنقلز قالوا نبي جحا .. تجيب بنكهة الكاتشب قالوا نبي بالخل والليمون تجيب رقاق الورده قالوا نبي رقاق غوار .. تجيب صلصه قالوا نبي ماجي .. بس خل عنك والله صار عندي خبره ولاخبرة رابحه وانا والله من اول كنت احسب البندوره هي البطاطس مناسبة هالموضوع اني رحت بعد صلاة الجمعه ومعي كالعاده رفيقة دربي ورقة المقاضي طولها حوالي 7.12 متر ويوم دخلت العثيم والقا زحمه وانا اللي تصعب علي نفسي واتمرد واشق ورقة المقاضي وارسل للمدام رساله اقولها اني تمردت وقطعت الورقه … جزاها الله خير تفهمت الموضوع بشكل حضاري وهذا انا اكتب لكم الموضوع من المقهى .. هذا هو حال المتزوجين الله يكون في عونهم |
|
|
|
12-10-2011, 02:33 AM
|
#2 |
|
نائبآ ثاني للمدير العام والمستشار العام للمنتديات و الصحيفة
|
رد: تكفون يابنات خفو علينا
ابو ريناد الله يعطيك العافية
هذا اللي عنده واحدة فما بالك بأبو ثنتين حليلي بس ههههههههههههههههههههههه |
|
|
|
|
12-12-2011, 08:33 AM
|
#3 |
|
مشرفه سابقه
|
رد: تكفون يابنات خفو علينا
ههههههههههههههههه
يعطيك العافيه ابو ريناد |
|
|
|
|
12-13-2011, 05:46 PM
|
#4 |
|
مشرفه سابقه
|
رد: تكفون يابنات خفو علينا
ههههههههه
اعتقد الان الكل يكتب رسالة عن طريق الجوال >> مواكبة للعصر يعطيك العافيه |
|
|
|
|
12-15-2011, 02:15 AM
|
#6 |
|
|
رد: تكفون يابنات خفو علينا
شيهان شمران
emotion فوائد البرنسيسه اسعدني تواجدكم اتمنى ان اكون قد رسمت البسمه على محيا كل واحد منكم وان تكونو بصحه وعافيه اجمل تحيه من محبكم ابوريناد |
|
|
|
|
12-26-2011, 11:56 PM
|
#7 |
|
|
رد: تكفون يابنات خفو علينا
ياحبيبي وياعزيزي اذا ماطاعك السوق والا طعه
خلك ذكي واستخدم استراتيجيه حلوه لاتوقف حياتك وسعادتك ومزاجك ورقه طلبات بعطيك حلول جذريه وراح تدعي لي ١-اسكن جنب اقرب بقاله فيها توصيل طلبات(اذا انت طيب مره) ٢-القط المدام معك يوم ونزلها بنده او هايبر بنده وابدا من اول السوق الي نهايته وانصح بكارفور وخلها هي تدف العربيه وتجرب المعاناه وانت كذا بذوق خذ اخف كيسين من العربيه ورح السياره وباقي الاغراض خلها هي تجيبها ٣- اسمع من اذنك اليمين وطلع من اذنك اليسار |
|
|
|
|
| أدوات الموضوع | إبحث في الموضوع |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| الفزعه يالعرب غزونا ايران تكفون تكفون | شيهان | المنتدى العام | 1 | 06-01-2011 09:58 AM |
| هذي أفضل طريقه لكم يابنات ...العلاج | جولدين | الضحك والفرفشة | 4 | 06-29-2010 03:50 PM |
العرض العادي
