وش عاد لاقالوا خويك توفي

ياقلب..حرفي عن هجوسه مقفي؟
والاهجوسي عن حروفه توانا

ماخذت من بدع المقاريح شفي
كني شفي ٍ لاينسنس هوانا

على مشاعر خاطري قمت اعفي
متغربٍ عنها وهي في حرانا

لبيه ياحرف القصيد الموفي
اللي يرد الروح في منتدانا

باشب لك شبه على بطن كفي
ولّا حطبها من مقالع حجانا

واجلا من الشمع المنقى واصفي
يستاهل اللي من تنومس معانا

الناس واجد والتشابه يخفي
نصع الحقايق عن عيون ٍ ترانا

ماظنتي يرضى علانا المقفي..
حتى ايش مايرضى المقفي علانا

لا والله الا بالضماير تشفي
من ظنةٍ ماهي توصّل سمانا

مايدري ان القلب وسعه يكفي
كل القلوب اللي ولاها ولانا

وش عاد لاقالوا خويك توفي
وانته تعاهد صاحبك في جفانا

ياوهنيّ اللي هروجه تصفي
شحن النفوس اللي عناها عنانا

الهرج بعضه للمبرد مدفي
لكن بعضه من جحيمه شوانا

اهل النميمه مثل ريحٍٍ تسفي
تنحت صخور الشمل كنا وكانا

واللي رمى الطيّب بهرجه ولفي
لك الله انه مايدنس صفانا

ياليتنا عند الكريم الموفي
في قدره اللي نحفظه في لحانا

هلاوغلاومرحبا
الله عليك ياالكايد
اشتقنا لهذا الابداع الله يعطيك العافيه

ابداع ايها الكايد ...

فعلا هو ابداع تشكر عليه

حروف وكلمات تتلألأ جمالاً

شكراً لك أخوي الكايد

ع هذي القصيدة الجميلة

لك تحياتي وتقديري




أميرة الورد

لاهنت اخي الكايد على هذه الابيات الجميله
تقبل مروري

صح لسانك يالكايد

ابيات جميله جدا

لافض فوك ياشاعرنا الرائع

ودمت سالماً ومعافا

لاهنت اخي الكايد على هذه الابيات الجميله

سلمت ولاهنت وصح الله لسانك على هذه القصيده الرائعه

إعجااابي يزيد عندما أقرأ جديدك
فأتمنى ان لاتحرمنا هذا الجديد

عايض الشمراني

فيصل الساهري

أميرة الورد

بن عسري

دماوي حيل

محمد مزهر

ابو حامد



ابقاكم الله جميع...شكري وتقديري لكم على مروركم وثنائكم