فوق هام السحب ( الشعر الشعبي) على متن القوافي

‏لي أيام ما عندي مشاكل مع الاحساس
‏معاد أفرح بـ غالي ولا أزعل لجل غالي

‏أنا ويش جاني صرت ماني بمثل الناس
‏أنا فاقدٍ ليّ قلب ولا يورالي

....

‏اما تجيني كلك ادناك واقصاك
والا على ماقيل درب السلامه

مابيك نص ونصك الثاني هناك
اما كمال الحب والا عدامـه

انا على وصلك وشوفك ولاماك
والمبسم الي غير كل ابتسامه

....

‏الشـوق ما يهدأ علـى غيـــر مشتاق
ياللـي غـــلاك بداخـل القلـب باقي

يا طيــر ياللـي بالجناحـــين خفاق
بلـــغ سلامـي والوفـــاء واشتياقي

للي خذا مابــين جوفـي والأعماق
واللي ملك كـل الشعــور العماقي

قله رفيقـك مـات مابـين الأشواق
بين البعـــاد وبين جمـــر الفراقي

....

‏لاتكابــر شـــوف لك نظــــره وعدي
ماعلى النظــره على اشعاري حساب

ادخــل اقـــراء ماكتــب قلبي بيدي
من قصايد شــوق واشعــار العتاب

كلها لك وانت مقصــودي وقصدي
وانت تدري بــس ما تعطـي جواب

طبعك القاسـي حـرق قلبي وكبدي
وذقت منه الويل واصناف العذاب

....

‏أرهقــت نفسي بإنتظـارك ولا جيت
والناس حولي شافـت الشوق فيني

لامرني بيتن عـــن الحـب صديت
شعـــرن جـرحني وزاد فيني حنيني

ياغايبــــن عني تـــرا عني ابطيت
بُعــــدك علينـا ايـام كِنهـا سنيني

كل ماتذكرتك من الشــوق حنيت
ودموع شوقي واضحه وسط عيني

....

أنا وإنت في الحب ماعندنا ذوق
دايم أنا بيني وبينك مناوش

نهجر بعض مده ونرجع من الشوق
واليا رجعنا بعد يوم انتهاوش


....

‏نمشي على بيض النوايا والاسباب
لاهمنا المقفي ولا من جفانا

لانسأل الواشي عن العيب لاعاب
ولا ننشد اللي خاننا في قفانا

بعض الصداقـه مثلها مثل الاسراب
تغري نظـرنا وقت لحظه ظمانا

وإن جيتهم ظميان صارو لنا اغراب
حتى قريب الناس ماعد لفانا

....

‏ياقلب لاتنجرح وفر لي احساسك
‏انا ادري انك تجي دايم على النيه
‏
‏لاتفكر تحب شيل الحب من راسك
‏كل العلاقات هاليومين وهميه

....

‏لاتعترض للي طريقه مجنبك
‏ولا تترك اللي فالشدايد يخاويك

‏وإعرف مواجيب العرب قبل واجبك
‏إن كان عقلك في حياتك يقديك

....

‏تدري وش اللي تعتبرها غريبه
‏إذا فقدت انسان غالي وهو حي

‏وتدري وش اللي تعتبرها مصيبه
‏إنك تضحي والمقابل ولا شي

....