منتديات قبائل شمران الرسمية


الخواطر والقصص والروايات يهتم بالخواطر والقصص والنثر التي من نزف الأعضاء

إضافة رد

 
أدوات الموضوع إبحث في الموضوع انواع عرض الموضوع

قديم 08-03-2008, 08:01 AM   #1
 
الصورة الرمزية المطاعي
 

المطاعي is on a distinguished road
افتراضي الصبي وان طاب طيبه من خواله 0000

الصبي وان طاب طيبه من خواله... وان تردى فـعلم انهم خايبينـي
أشرب الفنجـال واكـب البيالـة... طيـبٍ واحـب سلـم الطيبينـي

من لا يعرف .. هذين البيتين .. بيتين اشهر من نار على علم ..

قد يجهل البعض قائلهما .. ولكن اكيد سمع بالبيتين من قبل ..

حتى اصبح مضرب مثل يتداوله كثير من الناس ..


قائل هذين البيتين ..

الشاعر / راشد بن حسن بن مانع بن رحيان الضاعني الملقب بــ ( ابن الذيب ) ..

وقيل انه توفي عام 1986م رحمه الله ..

راشد بن حسن .. كان يشتغل في شركة ارامكوا السعوديه .. وكان يملك سيارة الشركه ( جمس ارامكوا ) ..

وكان كل ما شاف له رجلي والا طرقي على الخط يبي احد يوصله يقوم ابن الذيب ويوصله بدون مقابل .. على سيارة الشركه ..

حتى اشتهر عند البدوان .. لا جا احد يبي يروح مكان ولا عنده مطيه والا موتر .. يمشي في طريقه ويقول عسا يلقاني ( ابن الذيب ) على الطريق والا انا القاه ..

ويشيلني ويوديني للمكان اللي انا ابيه .. حتى قاموا الناس يطرونه ويحكون فيه وهم لا يعرفونه ولا قد شافوه ..

جاء يوم من الايام الا عجوز وعندها غنم شوي تعد على الاصابع .. و ( راشد بن حسن ) .. كان مشغول ومتأخر على الدوام شوي ..

وشاف العجوز وشاف معها غنم تعداها وهملها .. عقب حزت في خاطره واستحىوراعي الطيب ما يجوز عن طيبه وقف الموتر ورجع للعجوز ..

يوم جاها قالها يامره انا ابشيلك وبوديك المحل اللي تبينه لكن بدون غنمك .. انا متأخر على الدوام واخاف غنمك تأخرني زياده ..

قالت له العجوز .. خلاص رح الله يستر عليك ياولدي ..

انا جالسه هنا انتظر ( ابن الذيب ) ..

هو اللي بيجيب العلم وبيوصلني المكان اللي انا ابيه انا وغنمي .. وهي ما تعرفه .. ولا تدري انه ( ابن الذيب ) .. هو نفسه اللي تكلمه ..

يوم انصدم ( راشد بن حسن ) بقولها .. وتعجب !!

قال اركبي يا خاله انا ( ابن الذيب ) وابشري بعزك ..

ابوصلك انتي وغنمك ..

وكانت انظمة ارامكو تمنع السائقين ان يشيلو الرجليه اللي يوقفون السواقين ويطلبونهم توصيلهم على طريقهم .. وشلون توصيل الغنم؟؟؟؟؟

حتى وصل علم .. للشركه بفعل ( راشد بن حسن ) .. وهدد بالفصل من الشركه اكثر من مره .. وبعض رؤساءه يأسوا من المحاوله معه .. واعجبتهم شهامته ..

وصل العجوز إلى منصاها والمكان اللي تبيه ..





وقال هذى القصيده .
قالهـا ابـن الذيـب مـن هاجـوس بالـه
كلـمـةٍ يـلـعـب بـهــا والـبــال زيـنـي
قـالـهــا يــومــه طــرالــه مـاطــرالــه
مـن هواجـيـسٍ تشـيـب المرضعيـنـي
حـالـفٍ مـاخـذ عـلـى الطـرقـي ريـالـه
وبـالـثـلاث مـحــرم أنــــه مايـجـيـنـي
لالقيـت اللـي علـى ( السكـه ) لحالـه
يلـتـفـت ويـقــول ويـــن المستحـيـنـي
أوقـف المـوتـر حـيـا وأبــي الجمـالـه
يــوم ولــد الــلاش وجـهــه مايلـيـنـي
الطـمـع فــي كــروة الرجـلـي رذالـــة
.خـص وان جـابـه مـجـال الغانميـنـي
والــردي فــي حـالـةٍ مـاهــي بـحـالـه
واعـويـنــه مــــن كــــلام الطيـبـيـنـي
الـــردي لـــو بــانمـا يـذكـر عـمـالـه
مـايـعـد الـــلاش مـقـصـور اليمـيـنـي
أركـبــه لـعـيـون مـــن زيـنٍ دلالــــه
ماتـحـاكـوا فـــي قـفــاه الرامـسـيـنـي
مابـغـى غـيـري وانــا مابـغـى بـدالـه
.قـاعــدٍ لـــي بـالـرجـا مـــدة سنـيـنـي
الصبـي وان طـاب طيبـه مـن خوالـه
بـالـخـوال يــســال قــبــل الـوالـديـنـي
أشـــرب الفـنـجـال واكــــب الـبـيـالـة
تــابـعٍ سـلـمــي ســلــوم الأولـيــنــي
ولاقـعـدنــا بـالـعـمـل بــنـا الــرزالـــة
نـاخــذ العـلـيـا طــريــق الفـايـزيـنـي
غـرنـي بـعـض الـرجـال بكـثـر مـالــه
مادرى ان المـوت فـي حبـل الوتينـي
كيـف ينفعنـي وابـا(..........) خـالـه
مايـقـوم البـيـت دام الـسـاس طـيـنـي
مـاش ويــن الـلـي عـوايـده الجمـالـة
.مثـل ابـن ظافـر حـمـد ليـتـه يجيـنـي
الـثـنـاوالـجــود دايـــم فـــي خـيـالــه
عـلـمــه ظــافــر ســلــوم الطـيـبـيـنـي
جـــــوّد الـعـلـيــا ولـزمّــهــا عـيـاله
وادركــوا مــن علمـتـه دنـيـا وديـنـي
واهنـي مـن بـاع حظـه واشتـرى لــه
وسار في درب النبي وأخزى اللعيني
مـوقــفــه مــاكـل رجـال يــنــالــه
مــن بـغـى مـمـشـاه يـقـعـد مرتـيـنـي
كـم ذبـح مـن حـايـلٍ مــن حــر مـالـه
وعـادتـه لـطـمـةخـشــوم العايلـيـنـي

و البيتين اللي بأول الموضوع يقال انهم محرفين.. والبيتين الصحيحين كما ذكربالقصيده ..


مـلاحظه:::الشاعر راشد بن الذيب هو والد الشاعر/محمد ابن الذيب
تحياتي وعسى تعجبكم 0 ***** المطاعي *****



المطاعي غير متواجد حالياً   رد مع اقتباس
قديم 08-03-2008, 09:51 AM   #2
 

باسم is on a distinguished road
افتراضي

الله الله على
شيم الرجال وليست الشيمه في كل راس

اشكرك على طرح هذه القصيده والقصه



باسم غير متواجد حالياً   رد مع اقتباس
قديم 08-03-2008, 01:52 PM   #3
مشرف سابق
 

علي الساهري is on a distinguished road
افتراضي

والله كفو ابن الذيب

لكن يعد ابنه ابن الذيب الآن

من شعار -اكرمكم الله -الشحاثه الي يلحقون ورا المال مثله مثل مانع بن شلحاط

موضوع جميل ويبين شيم الرجال

يعطيك العافيه



علي الساهري غير متواجد حالياً   رد مع اقتباس
قديم 08-03-2008, 02:39 PM   #4
مشرف سابق
 

بوسعد الشمراني is on a distinguished road
افتراضي

يعطيك العافيه



بوسعد الشمراني غير متواجد حالياً   رد مع اقتباس
قديم 08-03-2008, 03:30 PM   #5
 
الصورة الرمزية المطاعي
 

المطاعي is on a distinguished road
افتراضي

باسم ، الساهري ، بو سعد الشمراني
يعطيكم العافية واشكر مروركم شرفتوني بهالطلة 0



المطاعي غير متواجد حالياً   رد مع اقتباس
قديم 08-03-2008, 03:45 PM   #6
مراقب سابق
 
الصورة الرمزية صبي الروحاء
 

صبي الروحاء is on a distinguished road
افتراضي

موضوع جميل وانا اشهد انه ذيب على اسمه

بس لو انه في وقتنا الحاضر قسم مايخلونه بالشركة ثانية

اجل يحمل ناس لا وغنم بعد !!!

لاهنت يالمطاعي

تحيتي واحترامي لك

سعد ال عدول



صبي الروحاء غير متواجد حالياً   رد مع اقتباس
قديم 08-05-2008, 12:32 PM   #7
 

سامي is on a distinguished road
افتراضي

الله يعطيك العافيه



سامي غير متواجد حالياً   رد مع اقتباس

إضافة رد

مواقع النشر



أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى الردود آخر مشاركة
درجة البكالوريوس من جامعة طيبه للاستاذ : محمد عبدالله بن كريش الشمراني نسيم الليل أخـبار قبائل شمران 1 05-20-2020 05:34 AM
الولد وان طاب طيبه من خواله الحمدان المنقولات الأدبية 9 06-21-2017 12:28 PM
0000 امير القلوب عالم حواء 2 01-02-2009 10:49 AM
الولد لاطاب طيبه من خواله.. القلم المبدع الخواطر والقصص والروايات 4 08-17-2008 04:01 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية