مسند دعيس البلوي ومنوعات شعريه مختاره

ياربنا اللي ترزق الخلق والطيــر؛؛؛؛اني مؤكــــل لك حياتــي وامـــري
الله يجيبك يامحمد علــى خيــر؛؛؛؛؛حتى تفرج همـــي اللي بصدري
لونك صغير م انت بعيوني صغير؛؛؛؛فــي عيني الثنتين بتصير كبـــري
بعطيك موجـــز يامــحمد وتقرير؛؛؛؛؛عشرين عام اللي قضيته بعمري
وانا على درب الرجــال المناعير؛؛؛؛اعرف خطاويهم على وقت صغري
الــوقت هـــذا يامحمد ترى غيــر؛؛؛؛زمـــان جـــدك راح ماهو بخبري
فارق عيوني ماحصــل منه تنذير؛؛؛؛ياقــو صبري منه ياقــو صبـــري
خلك سواتي لاتحسب المخاسير؛؛؛؛اللي يحسب المال ماراح يشـري
والســـر خله يامحمد وســط بير؛؛؛؛نصيحتي لك خلك انسان حذري
لو قلت كلمة خيـر ياذيب بتصيــر؛؛؛؛بكره بها كل الخـــلايق تهــذري
لابد تلقــى في طـــريقك معاثير؛؛؛؛ وتفطن لصكات الليــالــي وتدري

كلمات /الشاعر مسند دعيس البلوي

الصبر لونه طال يازين مافاد
والحل عندك لو تقرب قريبي
لاجت لنا فرصه وتحديد ميعاد
احط عيني في ملامح حبيبي
لاقلت اطول عارف الناس نقاد
اخجل من اعمامي واروح بطيبي
باقي ثمان اشهور ياليل الابعاد،
وانا انتظر للفرح ماهو قريبي
سويت لي دله وسويت براد
وانا انتظر لشمس عيت تغيبي
الحب خليناه مع بنت الاجواد
يمكن معاها جرح وقتي يطيبي
ودي اجدد حب عبله وشداد
وليلى وقيس اعيدها مع صحيبي
عسى الزمان الشين لاعاد ينعاد
يرحل مع الماضي ويهنا قليبي
الحب اعرفه بعد وافراق وجهاد
اجروح في قلبي تدور طبيبي

الشاعر / مسند دعيس البلوي

البندر الشمراني حياك الله
وشكرا لك على حضورك وعلى هذا
النقل الرائع بارك الله فيك

شكراً لك ع آلمشآركة آلرآئعة

الله يعطيك آلعآفية

لك تحيآتي وتقديري



أميـرة آلـورد

موفق بإذن الله ... لك مني أجمل تحية .

المشاركة الأصلية كتبت بواسطة حسن بن عبدالله

البندر الشمراني حياك الله
وشكرا لك على حضورك وعلى هذا
النقل الرائع بارك الله فيك

الله يبقيك ومن وقك يا الغالي

المشاركة الأصلية كتبت بواسطة بكرعلي

موفق بإذن الله ... لك مني أجمل تحية .

وياك اخوي الله يسعدك