( المرحوم بأذن الله عثمان بن غرم الله ) رفيقك الي مايجي

يالله يلي فوق سبع السماوات
ولارض تعلمها وتعلم خفاها

سبحان من بامره يعيشون الاموات
يعلم سعادة كل نفس وشقاها

يامن جعل في العمر راحة وشدات
تفرج لعين نومها ما هناها

عين يظيقها من النفس عبرات
لانام حاجرها ولافاض ماها

لومن بكا يحصل على بعض ما فات
بكيت ليامن سجلي طواها

ايامنا ذيك النظاف العفيفات
ضاعت وجا جرة زمانٍ وطاها

وقت الوفا قد طاف وقت الخينات
اللي به العالم تبيع اقرباها

ياوقت مابك لذة من الملذات
اصدورنا لا عاد تبحث خفاها

ياوقت لذتك لراعي النمامات
ذا ينعي العالم ويطرد وراها

الي يبيعك حي عيد اذا مات
لاتكره ارضٍ حال دونه ثراها

رفيقك الي ما يجي منه نفعات
بع رفقته وفعل على منشراها

منقول