أعذارك 🍀

أعذارك

للشاعر سعد الخلاوي

صحيح أني هويتك وانتصفت فبردك ونارك
ولكن يوم طحت من العيون .. تموت ما ترقى
أعذرك كل ما تخطي وأعد كبارك صغارك
لأنك غير .. ما ودي تحس بذنبك وتشقى
أنا ما أخترت عمري لأجل أعيشك عمر وأختارك
مثل ما الغصن واقف ما طمع في نوحة الورقا
سقيتك لين شفتك تذبل وتذبل بك أزهارك
بالأخير إكتشفت إنك فلا تروى ولا تسقى
ترى ماني هذاك اللي بك يضيع ويحتارك
تغيرت وبقى قلبي هو الأصدق هو الأنقى
أنا يوم أتواصل كنت أبي اسأل عن أخبارك
وكنت أدري غيابك رحت به تسأل عن الفرقا
ما عاد القلب بك داري، ولاهو عاده بدارك
بتلقى ناس واجد بس مثلي وينك بتلقى
قبل لا تبدي أعذارك طلبتك .. لملم أعذارك
أعرف اللي يبي يرحل وأعرف اللي يبي يبقى
******