ناسٍ يديهم في حلوق اقرباهم🍂

ناسٍ يديهم في حلوق اقرباهم

ناسٍ تعذر قلبهم من غلاهم
لو من جفاهم وسط جوفك حواسيس
وناسٍ تشوف قلوبهم من صفاهم
أصحاب ذمه والنوايا فوانيس
وناسٍ تضيع حقوقها من حياهم
وناسٍ تحفر لليتامى دواسيس
وناسٍ تضيق ولا تبين خفاهم
ما شالوا الزله إليا جات من هيس
وناسٍ يديهم في حلوق اقرباهم
ولا البعيد يردهم بالمدابيس
وناسٍ تزينهم ويطغى رداهم
لان الردى بالعرق ساسٍ وتاسيس
دون المعونه ليت تسلم وذاهم
والله يعوض خير عند الهلابيس
شوري عليك إن كنت تنشد دواهم
الطيب ما يثمر بناسٍ مناجيس
لا تشيل هم ولا تعبر لحاهم
لأن الجبل ما يشيل هم القراطيس


مشعل بن جريد

بارك الله فيك على القصيدة المميزة
صح منطوقه
تحياتي وتقديري

شكرا على المشاركة
جزاك الله خيـر
بارك الله في جهودك
وأسال الله لك التوفيق الدائم

مشاركة مميزة
واطلاله رائعة
تسلم الايادي ولاحرمنا من هذا التواجد الفعال
ودي لك وتقديري

شكرا لك على المشاركة المميزة
رائع ماتقدموه من ابداع مفيد
ننتظر المزيد منكم
لكم مودتي