في مدرسة حمد بن مسفر

ضـــــــيـــــــف الله

ياهلا عـد ماهبـت هبـوب الشمـال
يالصديق الصدوق الصادق المحتـرم
ودي اخذ علومك يالوفي يابن وافـي
خذ علـوم الجزالـه وعطنـا ردهـا
حــــــــمـــــــــد
مرحبا والعوامـر ماهبـو بالشمـال
من نوى حجّ مكـه يلبـس المحتـرم
والـذي مارقـى للنّايفـات ابنوافـي
اضربه بالشميزر واعط نـار الدّهـا

ضـــــــيـــــــف الله

مايضد الرجال الا وقـوف الرجـال
من صفات الرجال الصدق قبل الكرم
ولاذلوقت صارت كل ابوها عوافـي
كل ديـره يعرفـون العـرب حدهـا

حــــــــمـــــــــد

الشواوي مشى مدّه وقوفـل رجـال
وابتدى يحصد القيصوم قبـل الكـرم
والجمال ان تحدّت كلّ ابوها عوافـي
والهنـادي يعرفـون العـرب حدّهـا

ضـــــــيـــــــف الله

ياعريب الجـدود وياكريـم السبـال
ونعم شمران مثل النـار راس العلـم
عكرالوقت شربي بعدما كان صافـي
الخيانـه قويـه لا رحــم جـدهـا

حــــــــمـــــــــد

انشد اهل النّعم وشهو كريـم السبـال
من يراسل ضمير ومن يراسل علـم
زمرةً مثل من يوزن ولا اوكا نصافي
من بيرحـم هزلهـا مارحـم جدّهـا

ضـــــــيـــــــف الله

ياحمد يابن مسفر وين شيـخ النظـال
بعد ماشيعـو جثمانـه اهـل الشـرم
ونت قاعد تلبس بالثيـاب الصوافـي
لاتهمـك جيـوش ولا تبـي صدهـا

حــــــــمـــــــــد
كلّ ابونا علـى درب المنيـه نظـال
مايعيـب البـوازل نعتهـا بالـشـرم
لاتقارن خبيـثً بالنوايـا الصوافـي
أحفظ انّ الذكا والعلـم نـص الدّهـا

ضـــــــيـــــــف الله

ياهل المعرفه وش ضد قيـلٍ وقـال
الاضرب السيـوف ومنزلـه ينهـدم
ولايدعى عليه من الحرام في الطوافي
نـاس تلبـس ثيـابٍ ماتجـي قدهـا

حــــــــمـــــــــد
الغشيم الـذي مـرّ المحانـب وقـال
اطلب الله ياراعي الثّار والا انـه دم
لو تهوّر وتنـوي بالملـفّ الطوافـي
جتـك بقعـا سريعـه مايـسً قدّهـا