فوق هام السحب ( الشعر الشعبي) على متن القوافي

‏يا صاحبي دنياك حظوظ ومقادير
تضحك معك والله يعينك عليها

ناسٍ بقوّه " حظها يطرح الطير "
وناسٍ تطير طيورها من يديها

...

أشوف طيبك من سنين الطفولة
‏لين الجمايل في بطون الرياجيل

‏يا أطيب من الشعر و من اللي يقوله
‏و أكرم من الهمّال و أضوى من سهيل

‏تفر من روس الرجال الرجولة
‏فالموقف اللّي في عيونك تساهيل

...

‏انسحب من كل قلبٍ مايشيلك
و ابتعـد عـن كل عينٍ ما تـودك

و لا تجي للي تـجيه وما يـجيلك
و لا تـعد اللي تـعمد ما يـعـدك

...

‏تغيــب يالغــالي ولا زلــت غالــي
وتعــود وغيابـك سنــة كنها يــوم

وتــرد وانا اقــول حيــدي ومــالي
وتصــد وانا اقول وافـي ومحشوم

ان جات زينه هي لـك اول وتـــالي
وان جات شينة مافي الطيب ملزوم

خــلك على ما قيل صـدره شمالـي
وعــزمه جنـوبي يترك الزاد ويقـوم


...

ياحليل اللي تذاكا .. وهو ماهو ذكي
وابتلش في اللي تغابا وهو مابه غبأ

الغشيم مضيع الوقت في كثر الحكي
والنباء قد جابه الطير من وادي سبأ

....

فاقدك والكون بغيابك كئيب
لا أحد قبلك ولا بعدك أحد

عفت خلق الله من بعيد وقريب
وأعتزلت الناس بعدك للأبد

كل واحد صار بعيوني غريب
مافقدتك كن فاقد لي بلد

كان همي في حياتي لاتغيب
الحياه بدون ضحكاتك : نكد

ماني أول شخص فاقد له حبيب
بسّ بـغيابك : أنا أكثر من فقد


...

- ‏نـاس على زلـة الاجـواد ستاره
لـو تنشد الـناس عنهـا ماتبينها

ونـاس على زلـة الاجـواد عـياره
تحب يدري بها اللي مادرى عنها


...

‏‌
‏‌

‏
‏عسى المطر يغسل قلوب المخاليق
‏من همّها من غمّها من كدرها

‏ويمطر على اللي فالقبور المغاليق
‏من مزنةٍ يسبق بردها رعدها

...

ما لهذا الشوق اخر ولا هو بالاخير
غيبتك طالت ولكن عجزت اعتادها

اضحك بـ وجه الاماني وانا ماني بخير
ضحكهٍ لا في سنعها ولا ميعادها


...

يا حابس النور في كفوفك
سلِّم عسى ينجلي همك

إنسى الزعل خلنا نشوفك
مدّ العتب نسبح فيَمِّك

الناس ما همها ظروفك
كود الذي يحزن لغمك

إنسى الزعل خلنا نشوفك
مدّ العتب نسبح فيَمِّك

و ان شلت حِملك على كتوفك
بتموت محدٍ ترى يمك

إنسى الزعل خلنا نشوفك
مدّ العتب نسبح فيَمِّك



بدر بن عبدالمحسن