فوق هام السحب ( الشعر الشعبي) على متن القوافي

‏الصاحب إلي بالـمـوده مصافيك
إلي مـعـك فـي كـل حلـوه ومُرّه

لاتخذله فالوقت دامه وثق فيك
وإن كـان مـا أنـت نافعه لاتضره

لا تستمع لاهل الحكا والتخاريف
هراجة المجلس بليا صمايل

ما يظهر الحرمة كثر السواليف
وما يظهر الرجال غير الفعايل

يالله بنصراََ منك ينصـــر فلسطـــين
نصـــراََ عــــظيماََ منه تجبر وجعــــها

يالواحــــد اللـــي تبدل العســر بالين
فــرق اهـل الطاغـوت واللــي جمعها

طالبــــك انا يالله قــــولــــو امــــين
تقضي على أهل الشرك واللي تبعها

غنيت لك من مدى ضيقي وش اخباري
وما رد الا صدى صوتي على صوتي


لا تقول وش ذكرك ولا وش الطاري
ما غبت عن خاطري ولا عن بيوتي

‏عساك ماتفقد محبك ومغليك
‏ولا تشتكي من جايرات الليالي
‏
‏دعوه محب من ضميره مصافيك
‏قلبه من الأحقاد والكذب خالي

‏إحذر تصك الباب في وجه من جاك
‏وأحذر تبيع إنـسان بالوقت شاريـك
‏
‏ولا تحقّر اللـي بالليالـي يبي رضاك
‏ولا تشتـري اللـي بالـزمن مـا يدانيك

مني لاعز الناس حلو التراحيب؛؛
مضمونها تقدير من قلب صافي

سلام ياراعي الوفا والمواجيب
سلام يازين مع الناس وافي

لك منزل بين الضلوع المحاديب
عساك دايم بالوجود متعافي

‏لاجل الغلا برسل مع الشـوق ورده
أرويتها من ماي عيني غلاها

أمنتك الله ضمّهـا كـل مـده
حتى أحس ضمّيت قلبـي معاها

‏اجلس مع اللي راسه الشيب ماليه
‏واللي تجاعيد الزمن في جفونه

‏
‏يعطيك من خبرة حياته وماضيه
‏درس كثير من البشر يجهلون

‏القلـب صافي والنواياا توديـه
‏على دروب الطيب والرب شااهـد

‏والي نسـاني يرحم الله لياليـه
‏أقـول له مسموح والحال واحـد