12-27-2010, 05:19 PM
|
#31 |
 |
رد: النداء الثاني
أشكر ابو حاتم على هذه الفكرة الرائعة حيث تربط بين شعراء المنتدى ونستمتع بالقصيد منهم وصحت ألسنتكم وعساكم عالقوة |
|
|
|
12-27-2010, 05:49 PM
|
#32 |
 |
رد: النداء الثاني
ارحب ارحب يالمعاوي تراحيب المطر انت سباق وفي المقدمة فحيهلا بك |
|
|
|
|
01-06-2011, 03:15 AM
|
#33 |
|
مشرف سابق
|
رد: النداء الثاني
ابوحاتم البدع قالوا الحــرمة بركب التنمــية لازم تشـارك إنها كانت في الماضي تشارك في المـعارك ناس رافضـــــها بقـــوة بينما ناسٍ تبــارك ولعـــي يا نار في جـــبهة فتيــحي ولعــــي البطالة تفاقم يا وزير العمل شف شباب البلد كل يدور وظيفة ونْحن أولى من النسوان بالتنمية الرد باعد الأسلاك وإن قرّبتها لازم تشـــارك الرضا بالحق خير من التجني والمعارََك والقليل لمن سلك به جانِب الحكمة تبارك ولّعـــي يا نار في راس الفتيلة ولعــــي لاتقُلْ خانك التعبير ويش العمل ؟ حط رأي الحكيم بجنب رأيك وظيفه طبعها تكبر الأفكار بالتنمية دماوي حيل البدع المطالب ذي بدت من قلِّةٍ مستضعفيـــــــن ما لهم دين أو قبيله ساقهم حقدٍ دفيــــــــن الِّي من طنجه وطاجك والِّي ما يدري منين ولعي يا نار في خشم الفتيله ولعــــــــــــي حن هل المنطقه والشور لاهل المحَل كل طاير يرفرف في عشيشه بكيفــه والسما للصقور الشقر والساميــــــه الرد حن على الخير انتكاثر فالوعَد ومضاعفين حن كما البركان لامن ثار ناتي مردفيـــــن ولله المنَّه ومن منّ العطا ما له منيــــــــن ولعي يا نار في جبهة فتيحي ولعــــــــــي يا هل الشان لازم ياتي للعلم حـــــل الخواجه ليا حصَّل مزاجه وكيفـــــه واخربو اسم القبايل خرْبَت آساميه ابوريما البدع: النسا كرمهم الاسلام بجميع النواحي والعمل فيما يناسبهم وبالوضع المتاحي غير ما نبغي على الوجعان تجديد الجراح ولعي يا نار في راس الفتيله ولعي من كثر ما يطالب تحسب انه ثمل كل عاطل ينادي يوم عادل يصيفه والوظايف حسبناها صفر فالميه الرد: اصبر اصبر يا المواطن لو في القلب النواحي ادري انك للحزن والكرب والا الهم تاحي منت مرتاح(ن) على وضعك ولا لك نهج اراح ولعي نار في راس الفتيله ولعي عاطل ابوه حث وما مع الحث امل ما يفرق شتاه ولا خريفه وصيفه واسطوانه تدور تكرر الفلميه خالدمحمد حسن البدع ان سكتنا فالولد من صمتنا الهايل يغير وان تكلمنا عشمنا في النساء دايم كبير أبو متعب قال ماياجينه إلا بكل خير ولعي يانار في روس الفتايل ولعي البطاله إذبحتنا والمؤشر نزل وحالت الناس صارت شبه صعبه وأسيفه ماعرفنا لها وصف (ن) ولاتسميه الرد مايشد الصبر شي إلا صلاتك والكبير ياولدنا شوف حظك بعدها يقبل يغير تصبح الاول ويصبح بعدها الاول بخير ولعي يانار في روس الفتايل ولعي إن شاء الله ماتزل بالشرهه ولانزل ولدنا مثل نمر(ن) لا تقلد بسيفه بث صف العداء ويسمها تسميه بندق وطن وش تدوّر له مها جعل البلا في قلبها عولمتها واضحه والله يفضح سلبها شاة بدو(ن) ماعرفنا ذبحها من حلبها ولعي يا نار في قذلة فتيحي ولعي المره لبسها ماهوا بلمبس بدل خيرها بيتها تجلس بصوره عفيفه الولد في الصباح وفي المسا ترقيه صارت الدنيا تقالب والعنا في قلبها عولمه تسلب عقول الناس بيّن سلبها حلت بأفكاري عن الأشرار وأنته حل بها ولعي يا نار في راس الفتيحي ولعي القصيبي توّفى وأثر جا له بدل والعفيفي نسي ساجر وغادر عفيفه يطلب المال في الدنيا مع الترقيه ابوحاتم البدع الوطــن يبغى سواعد ناعمة جنب الخــشونة والعمل حساس ماينجزه مــن غطّى عـــيونه والعباية شيء عائق والعمل يبغى مـــرونــة ولعـــي يا نار في غطــــوة فتيــحي ولعــــي اهـــدري يا نياقي واسترح يا جـــــمل واللي خوها جمل تهدر فلاهي ضعيفة ضــاع سوق الجمل في عالم التقنية الرد ما يهيِّب من تعزوى يوم عُود المرخ شونه واول اللي يفقدون النهر من غطى عــيونه وأكبر العصيان من يأمر على اللي يامرونه ولعـــي يا نـــــار في ذيل الفـــتيلة ولعــــي احضروا يا النشامى وأحضري ياجُمل دام شُـــعّارنا تبـــدع فلا هيض عيفة عـــندكم قمــــة الإبداع والتقــنية بندق وطن الوطن يبغى سواعد ناعمه تنتج سياحه وانت يافلاح خلك بس في قسمك فلاحه تقنية جيل الشيابه نافقه نبغي سماحه ولعي يا نار في قذلة فتيحي ولعي يابوحاتم بنات اليوم فيها ملل خلها تنطلق والذيب يعدي بحيفه المساواة ماتمنع بنى الأبنيه والله أن الوضع في هذا الزمن زايد سياحه وأصبح الأنسان ما يعرف صلاحه من فلاحه كل يوم ن نسمع أقوال المشايخ والسماحه ولعي يانار في خشم الفتيحي ولعي الملل تختلف راحت ملل جت ملل والصحيح الذي زايد عليهم بحيفه أقتصر في بنيّاته مع الأبنيه ابوحاتم البدع المــرة ســوت حكــومة وينك يا عادل فقيه مرة تتــكلم وزيــرة ، مرّة عـــالِم أو فقـيه شــيخك الجـــهبذ محـضر لك فتاوي وافقيه ولعـــي يا نار في رأس ابن قاسم ولعــــي يا الله سخِّر لهم حذّاف ماهو خَبَل حذفـــته ما يثنِّيها وكفه خفيفة تجعل العظم فوق الجلد والأدمية الرد لا حضــر فــلتة زمـــانه يحمل العقــل النبيه يلتقي نفس الفصــــيلة يهـــتفون إنا نـــبيه صار عبء على الفضـــيلة يا جماهير أنبيه ولعـــي يا نار في رأس ابن قاسم ولعــــي يغلط البعض قالوا سحر والا خُـــــبِِل وان غلط غيرهم تسبق يدينه خفيفه ثــم صـاروا عتاه ومسخ والا أدمـية بندق وطن البدع تعب قلبي من خرابيط الفتيحي شاب راسي صارت الشيعه لها في مجلس الشورى كراسي والبواخر داخل المينا وذاك الفلك راسي ولعي يا نار في قذلة فتيحي ولعي راعي النوق متبدوي وبيته غزل دون حقه يزهّب بندقه مع حليفه ويقرأ الأذكار ويكثّر من الأدعيه الرد كهربه تلذع دماغ البنت والتيار ماسي صارت البنت السعودية مذيعه في أماسي خيّبة ظنّي وظنّك هبّطت قوّة حماسي ولعي يا نار في راس الفتيحي ولعي المدن صار شارعها كثيره غزل والمحالف يقابل بالمغازل حليفه بالماسنجر وبالجوال قال أدعيه ابو نايف البـــــــــــــــــــدع الحضارة طيبه لكن كل في مجالــــــــــه صاحب الفكرة يصورها ويظهر مابداله مشكلتنا في عقول(ن) فارغه فيها جهاله ولعي يا نار بندق في فتيحي ولعــــــــي .... ضاعوا الناس بين الفصل والمتصل ناس تكدح وناس(ن) في قصور منيفه لو بغينا أنربي ضاعت التربيـــــــــــــه ,,,,,,,,,,,,,,,,,,,,, الــــــــــــــرد صاحب البندق يثور حولنا لكن ماجالـــــــــه والحقيقه شاعرا ممتاز مانبغى بدالـــــــــــه واستوى المدقال والمعراض وجه في جهاله ولعي يا نار في جمب الفتيحي ولعــــــــــــي ,, صاحبك سافر لجده وعاد اتصـــل عندنا الغاز والبترول داخل منيفه يدعم الجامعات ويدعم التربيــــه بندق وطن أنت ياللي رحت جده وش علوم الموتمر شلت في جنبك مسدس ربع ولاّ الموتمر ولاّ شاركت الخلايق يوم شفت الموت مر ولعي يانار في كشحة فتيحي ولعي لا تنكر يا فتيحي وأعترف قل أجل الأدلة كثيرة كل موسم وصيفه والمنابر تنادي الحق للتجليه يابو نايف قلنا وش تعرفه عن بو عمر هات باقي السالفه الأنتظار أقسى عمر والذي يبني حجر لابدّ يكمل بالـ عمر ولعي يانار في كشحة فتيحي ولعي كل مخلوق في الدنيا يجي له أجل والأول دائما عينه تراقب وصيفه واللاعب ينتبه لا تكثر التجليه ابو نايف الــــــــــــبدع بندقك ثارت ولا ارى غير دخان الفتيل ارفع البندق ولا تخطي وتتحمل قتيــل والمسافه بيني وبينك تعدى الفين ميل ولعي يا نار في زغد (الضعيف) ولعي ... جده اخبارها غير وتجينا عجــــــل واهل الخير اياديها ماترجع كفيفه علمنا خير مانحتاج للتزكيــــــــــه ,,,,,,,,,,,, الرد بنـدقـك بـلجـيـك ولا مـن مـديـل ابـوفـتـيـل ودي اعرف لأجل مانبلـش مع حراق تيـل والـمـعـارف لاتـمـيـلها فـلا تـحـتـاج مـيـل ولـعـي يـانـار فـي راس الـفـتـايل ولـعــي ,,, شفـتـلـي مـوتـر(ن) يـمـشي بـليا عجـل سـايـقه مـايشوف الدرب عـينه كـفيفه لـوتـصـدقــتـبـه مــايـنـقـبـل تــزكــيـه بندق وطن البدع يا بونايف لا تجامل صاحبك منذ البدي قلنا بالفعل شاللي صار في ذبح الهدي والله أنّي ما ني بغدّار حرم ولا ردي ولعي يا نار في خشم الفتيله ولعي بل حلقك بماء وأعجل عجل منه بل قرّب الصيف ولا بعدنا في خريفه لا تقول أنتظر للماء من التحليه الرد موترك يا صاحبي مصدوم معدوم البدي وأن مشى يادوب يمشي بالمساعد والهدي في تماتيكه تلخبط ويتخالف آر دي ولعي يانار في خشم الفتيله ولعي الفتيحي علومه تشبه المنهبل الله أعلم وش اللي ما ظهر من خريفه مرّه فأربع طعش وأمرار فالتحليه ابو نايف البــــــــــــــــدع ياسعد (بندق) مطولها ولاصاب الهدف بعد ماجلى في اللعبه وسجلنا الهدف والمواتر بعضها مايشتغل سوله دف ولعي يا نار في كل الفتايل ولعــــــي ... محتمل ينثني راعي الخطأ محتمل احتمل غلطته مره وانا اقول بكيفه لا يعرض لقناص(ن) ويد راميه ............................ الـــــــــــــــــرد فرق بين اللي يشيل الحيد واللي قد حذف طاح من قد طاح واللي قاوم اسمه منحذف اكتب اللي تكتبه وان كان ماشي انحذف ولعت كل البنادق في خباها ولعـــــــــــــت ... يابوحاتم جملنا للشقى ماحتمل اعتذر للجميع وطاب راسي بكيفه غمر شمران لامـن قام يد راميه عبدالعزيز المعاوي قال بن مفراص يالغالين مدري وش جرى ؟ الخبر منشور في وسط المداين و القرى البطاله مشكله , في كل دوله تنشرى والعي يا نار في راس الفتيله ولعي ياوسيع المعرفه قلنا وش حصل ودنا بالعمل دام الخواطر شريفه الوزارة نبي نعمل لهـا تصـفيه الرد ما يعيش إلا الذي يزرع نخيل(ن) وشجرا والذي يدرس ويتعب في كتابه و الــقرى خوّة اهل الطيب والمعروف لازم تنــشرا والعي يا نار في راس الفتيله و لعي نارد الماء من ابيار(ن) ومن وشح صل يوم بعض الخلايق ساكن اعشاش ريفه لكن الماء يبـي لـــه دايم(ن) تــصــفيه |
|
|
|
 |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| النداء في القرآن الكريم | الحمدان | المنتدى العام | 5 | 05-23-2015 05:26 AM |
| النداء في القرآن | الحمدان | المنتدى العام | 10 | 05-23-2015 05:13 AM |
| النداء في القرآن | الحمدان | المنتدى العام | 6 | 04-06-2015 11:48 PM |
| النداء في القرآن الكريم | الحمدان | المنتدى العام | 8 | 03-24-2015 08:13 PM |
| النداء الأخير | د.قصرغصاب | الخواطر والقصص والروايات | 10 | 04-21-2008 08:30 PM |
العرض العادي
