منتديات قبائل شمران الرسمية


ديوان الشاعر زهير بن حمدان الشمراني قصائد ابوماجد تجدونها هنا

 

 
أدوات الموضوع إبحث في الموضوع انواع عرض الموضوع

قديم 04-06-2007, 12:06 AM   #1
Photobucket
 

بن حمدان is on a distinguished road
افتراضي مرادرت شعريه بين الشاعر حمد بن مسفر والشاعر زهير بن مداوس

هذه البيتين ارسلها الأخ العزيز حمد بن مسفر لبو ناصر محمد بن صالح ال لهبي قبل تقريبا ثلاث سنوات واطلعني عليها

ابو ناصر وكان الوقت الثانيه عشر ليلا وكان ابو راكان لا يعرف رقمي فأستغليت الفرصه لأستفيد من شاعرية ابو راكان

فرديت عليه واستمرت المرادات لليوم التالي عصرا بعدها عرف بكل شي وقد اشتأذنت ابو راكان لتنزيلها في

المنتدى اتمنى ان تحوز على رضاكم



البيتين التي ارسلها ابو راكان


(عــــــروق قلبي لك دلال مبــــــــاهير
صفيتــــــــــــــــــــــها دله ودله ودله )

(مدري صباح الخير مدري مسا الخيـر
بس الوكاد بوجهـــــــــك الطيب كله)

زهير

تسلم وتبقى يا شبه ســـــــــــالم الـزير

الله يعـــــــــديك الخطـــــــر والمـــــذله

الطيب وايا المــــــــــرجله ماتبي غيــر

غيــر انت واللي مابغى الطيـــب خــــله
حمد

سويت في قلبي جـــــــــــراحة مناظير

ياشاعـــــر مــدري وش اللي حصـــــله

اسمك وعنوانك وهات التعــــــــــــابير
واحــــــذر يكون البيت لأهل المجــــــله

زهير

لأجلك سخرت الشعــر والقاف تسخيـــر

حتى يكــــــــون القاف من دون خـــله

شعري لبو راكان حشمه وتقـــــــــد ير

عســـــى ردي المــــــــــرجله فـدوتله

اسمي سعد اسمي حــــمد اسمي زهير

اســــــــأل ومن مثلك لـــــزوم يصــله

حمد

ترحيبي احلى من حليب المغـــــــــاتير

يشفــــــــــــي سقيم الناس من كل عـله

قصـــــــايد تكتب بلون الطباشيـــــــــر

البـــــعــــض ادله والبـــــــــعض ما ادله

هذه علـــــــوم من علـــــــوم الأساطير

ثلاثة اسما بنــــــــدقه ســـــــيف سله

ثنين منها تقتـــــــرن بالمشاهيـــــــر

والثالث الله يحفظــــــــــه في محــــله

زهير

تحيا وتبقى ياحمد قـــــــــــــدرك كبير

شامخ ولا تــــــــرضى بدرب المـــــزله

ادور الــــوافين واعطي التباشـــــــير

والا الـــردي يخســى مقـامه وظــــله

احب من يمشي على الطيب ويسيــــر

واللي مثيلك ياحمــــــــد شامخـــــــله

حمد

ياطيـــــــر بن برمان ياطيــر ياطيــــر

لا تقتــــــل العـــالم على غيـــر مــله

لاتجلب الحيــــــــــه لراسي من البير

تــــــــرى الزمن غـــــدار دقه وجله

تعبت من دنيا العنا والمشاويـــــــــر

والنــاس تحسب تمــر الأحسا بــزله

وانا طموحي من ورى بوش وبليــــر

ما نستمــــع ذكــــرى ونجوى وفله

اتعب مع الطيب تعب سوس في جيـر

واســــــج عن من زود الطـــــين بله

والا انت يابو ماجد الطيب والخيـــــر

يبقـى بوجهـــــك يوم للطيب طـــله

زهير

عــــزالله انه ماحصل منك تقصيــــــــر

يللي يفيـــــــد المـــح والمجـــد شــله

فارس ومن روس الرجال المغاويــــــــر

حي الكــــــريم اللي الـــــوفا عادتله

فسر جميع ابيات شعري تفاسيـــــــر

الأســــــم والعنـــــوان خــافي وحله

الشاعر اللي سطر الشعر تسطيـــــر

خـــــلاني ارجع للقـوافي رضى الله

لاياحمد حبيت سيد الغناديــــــــــــر

اللي هـــواه بخاطـــــري ما يمــــله

امشي على كيـــــفه بليات تفكيـــر

راضي ومن مــثلي غــــرامه يـــتله

ان غاب قلبي فيه مثل المناشيــــر

والى حضـــــر كني تملكــت فـــله

لأجله تحديت المخاطر ولا خيــــــر

في من يهـاب المـوت من دون خله

لعل ناس مابها شــــور ومشيــــــر

اقلـــــوبها من زايـــــد الــــهم غله

شرواك الى منه نصحني تباشيـــر

وحــــــظ الذي مثــلك يجي عزوتله


المراده الثانيه


ســــــــــــلام تسليم الوفا والبطـــــــــــــــــوله

تسليمـــــــــة من راس وافي لــــــــــــــــوافي

تأصــــــــــــــل لبو ماجد ســريعه عجــــــوله

رجـــــــــال عن ميتــــــين رجل سنــــــــافي

نأخـــــــــذ مع الوافين صوله وجـــــــــــــوله

ابيات شعـــــــــــــــر من خفيايا الخــــــوافي

زهير

يامــــــــــــــــرحبا باللي تجمل فعـــــــــــــوله

يقــــول عــــــذب الهــــــرج من قلب صــــــافي

عســــــاه يسلم والــــــــردى ما يطـــــــــــوله

وافي ويكـــــــره كل رجـــــال هـــــــــــافي

الشاعـــــــر اللي هـــــز الأشجان قــــــــــوله

مبــــــدع يطـــوع قاسيــــــات القـــــــــوافي

حمد

تبقــــــى وتســـــلم ياسليل الحمــــــــــــوله

اعـــــــداد من يســـعى بمــــكه وطــــــــافي

ماكــــــــــــنك الا اميــــــر والطيـــــب دوله

لأجل القـــــروم امشي على الجمــر حــافي

يـــــــــوم ان غيـــــرك يفتقــــد للسيـــــوله

كلك بحــــــــر شيمــات مـــاله مــــــــرافي

زهير

قــــــــــولو لبو راكان قـــول يقـــــــــــوله

احلى من الشهـــــــد المصفى وشــــــــافي

يشفــــــي قلـــــوب بها المرض ومعلــــوله

علــــــــة هوى مابين الأضــلاع خـــــــافي

شـــــــوقتني لأهل العيـــــون الخجـــــوله

اللي الى سلهم يجـــــــــيني ارتجـــــــافي

وجـــــــدي على وقت مضى مــر حــــــوله

عصــــر النفــــوس الطيبات النظــــــــــافي

ايام نمشـــــي الكون عــــرضه وطــــــوله

ولاجل الهـــــوى نقطع صحــاري الفيـافي

ولاجل الهــــوى نرقى الجبال وسهــــوله

ونســـري بســـواد الليل والنــور طــــافي



بن حمدان غير متواجد حالياً   رد مع اقتباس

 

مواقع النشر



أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى الردود آخر مشاركة
رديه بيني وبين الشاعر ابو ماجد زهير بن مداوس يوسف الشمراني ديوان الشاعر يوسف بن محمد بن حسن الشمراني 0 12-22-2016 05:51 PM
محاوره شعريه بين الشاعر ابن حواش والشاعر محمد سعد محمد سعد موالا بـوح الـقـصيد للشعراء الأعضاء 2 06-04-2011 01:55 AM
محاورة قوية قاعة النورس بجدة /الشاعر بن حوقان والشاعر سعد بن عزيزو الشاعر علي بن مسفر الشمراني ابو راشد منتدى الشاعر علي بن مسفر الشمراني 8 06-06-2010 05:31 PM
قصيده من الشاعر الكبير / زهير بن مداوس ,, والرد من الشاعر / عبدالرحمن بن جروان ابونايف الشمراني ديوان الشاعر عبدالرحمن بن جروان الشمراني 6 06-05-2009 08:35 PM

Powered by vBulletin® Version 3.8.7
Copyright ©2000 - 2020, vBulletin Solutions, Inc. Trans by
جميع الحقوق محفوظة لـ منتديات شمران الرسمية