شمران تزحف للمعارك تغني......

أهل الجنوب



جزلا على مسحوب شعري تغنـي=طاروقها يطرب على جـرّ مابـي
دوزن لها شعري ولا خاب ظنـي=كم قبلها جزلـة تسلطـن وجابـي
ما قد دعيتـه يـوم وصـدّ عنـي=إن ضاق صدري أو سلا هو زهابي
شعري مشاعر مـن معانـاة كنـي=لولا يصـوّر داخلـي وش ثوابـي
مثل الوطن كلمـا سكنتـه سكنـي=مهما رحل يلقـى الحنايـا روابـي
له ما بغى دام المطر نـزْف منـي=يسقي ضما صحراه ماطر سحابـي
لين انبتت ما بيـن أخضـر وبنـي=دهشة تسود الشعر لـو دقّ بابـي
شاعر جنوبي منبعـي أرض فنـي=يا جاهلٍ في أرض حضرة جنابـي
هذي عسيـر الحالفـة قبـل إنـي=غيم وسما حدّ الوطن من حرابـي
أضحك وانا الموت في طرف سني=مصنع رجال المملكة في رحابـي
موطن جحافل كـل نمـرٍ وطنـي=ألبس خضار ومن السحايب حجابي
وخير القبايـل حالفـة لـي تثنـي=كـلّ القبايـل أصلهـا ابتـدابـي
إن ذِكر قحطان العدو لـه يخنـي=اسمي رثا موت العدو قبـل نابـي
منّي قحاح العرب مـا هـو تبنـي=بي ابتـدى التاريـخ ثـمٍّ رسابـي
شهران جيش المملكة وان قطنـي=والله قطن جال الفسيحـة انكابـي
لا هو عبث اسمي ولا هو تجنـي=اسم العريضة من كفي ومضرابـي
(نيل المطالب ما يجـي بالتمنـي)=صبيا وبيشة مـن دخلهـا حمابـي
أربع قبايل تحـت بيـرق حضنـي=هيبة رجال الحجر لمّـت انسابـي
منّا بني شهـر الرحابـة والتأنـي=منها الغضب مطرود كنّه ارهابـي
منّا بني عمر الشهامـة والمجنـي=أهل الشكيمة سيـف درع وجنابـي
ثم بلّلحمر حـظّ مـن هـو زبنـي=من هو زبن راس الحميّـة مهابـي
ثم بلّلسمـر شامخـة عـن تدنـي=ولا أسمري فيها دنـي أو محابـي
يعرف أويس التابعـي كـلّ سنـي=أهل الشفاعة بلّقـرن والصحابـي
دار الطلايع مـن تجاهـل فطنـي=طول النخيل الباسقة فـي رقابـي
منها الصقور الحايمة مـا شحنـي=هرج القفا بـوم وغـراب وذبابـي
شمران تزحـف للمعـارك تغنـي=طبع الشجاعة من طبايـع شبابـي
جوّالسما طيار وفي الأرض فنـي=وعدٍ وفي ذمّـة بسالـة اسرابـي
يبقى الوطن عايـش وفـي تهنـي=ما قد كذب أو طاش مضرب عقابي
هذا جنـوب المملكـة فيـه كنـي=اغرف بداية سرمـدي لـه عبابـي
مالانهايـة بحـر دونـه رهـنـي=جفّ القلم وانطوت صفحة كتابـي





منقول من موقع الأمير خالد الفيصل

للشاعر


عبدالعزيـز بــن عـبـدالله بــن حـامـد