الوقت ☘️

الوقت

الله يـاكـــثــر الـدقـائـق والاوقـات
الــلي تـمـر من دونـما أيّـــة إفـاده
هـذاك مـسـلـم لاهـي بـالـمـبـاراة
سـاعة ونـص واحيانٍ أكـثـر زياده
ولا يحـس بْــقـيـمة الـوقـت لافـات
ولا يـفـكّـر حــيــنـها في الـعــبـاده
وياما في الملعب تضيع الصلَوات
وهو ساهي مدري غَـبي أو بَلاده
وهــذا مع الافـلام والـلـهـو ساعات
حتى تـظـن إنّـه طغى في عـناده
ضاعت حياته بين شوف المحطات
ويـشـاهـد أفـــلام الخنا والـقراده
حـي ولـكـنـه في عــداد الأمــوات
ولاظــنـتي إنــه يـحـقـق مــراده
وآخر مع الجوال والوتس والـشات
تــايـه يـبـيـّت غـارق في سُـهاده
ويمضي نهاره غارقْ بـنوم وسبات
حتى شكى مـِنهْ الـفرش والوساده
وما يخـتـزل هالأمـر في عـدة أبـيات
ويحـتاج لـه إسهاب شعر وإجاده
والـزبـده إن درب الهوى والملذات
ما هـو مـودي لـلـفـرح والـســعادة
كم من مـقـصرراح يـنــدم لـيا مات
ووده إلى الـدنـيـا رجـوع وإعـاده
لكـنَّ بـعـد المــوت هـيهات هــيهات
ما من نـدمـه وحـسـرته اسـتـفـاده..

مبروك بن سالم بن ماضي