فوق هام السحب ( الشعر الشعبي) على متن القوافي

‏ليت رَدّ الجمايلْ مثلْ ردّ السلام
‏لكنْ الله جعلها مثل دين وقضى
‏
‏كنّها في يدين اللاش برد وسلام
‏وكنّهافي يدين الحُرّ جمرة غضى
‏

‏من تأسف واعتذر عن خطا والا جهَل
‏مايردّه غير بعْض النفوس الجاهله

‏العوارف لـ اولين ضْربوا فيها مثل
‏(لحيةٍ ماتقبل العذر ما تستاهله)

‏

اربع ليا جات فالرجال ياطيبه
الطيب والجود والاخلاق والذمه

واربع ليا جات فالرجال والخيبه
البخل والكذب والخذلان والنّمه

‏يالله عسى ماتكتبه من مقادير
خيرٍلنا ماهوب شرّ ( ن ) علينا

ويالله عسى كل الليالي لناخير
وفيهاالحظوظ الطيبة تحترينا

اربع؛ تخلي الرجل من دون قيمه
ويصير من بين الرياجيل ممقوت

الكذب،والغيبه ، ونقل النميمه
وكثر الكلام ..اللي بلا فعل وثبوت

واربع؛ سبب فرقى النديم ونديمه
المال والنسوان والحسد والموت

احذر ثلاثه بالخصــــامه عذاريب
الورع والحرمه وخبـل الجمــاعه

الورع ناقص والمـــره ضربها عيب
وخبل الجماعه عيب فيه الشجاعه
.

يارب ياغافر ذنوب.. المصلين
إغفر جهلنا وأغفر ذنوبنا العمد

والغافل اللي مادخل قلبه الدين
وقت المنيّه يجلي عيونه الرّمد

وحنّا على كل المقادير راضين
بالخير والمكروه قلنا لك الحمد

اصحابنا بالرخا مثل ازدحام النجوم
نشوفهم واجد في كل صبح ومسا

واليا نخينا حديهم عند وقت اللزوم
قام يتناقص عددهم من مدار السما

سامح وغض الطرف لو كان ما كان
عمر البحر ما ضاق من لطمة الموج

لو تلتفت في كل زلّة من أنسان
كان البشر من حولك ارقابهم عوج

‏نجـود من مايجـود ربـي علينـا
ونعين ونعاون ونحتـاج للعـون

إن سـاعفت مانـبذل إﻵ الثمينـا
وان عاضبتنا..حـالنا ماتشوفون

على سـلوم جـدودنـا اï»·وّلـينـا
والناس فيها خير وابليس ملعون

الله يديم أمن الوطن ويحمينا
لاقاموا اهل الشر للشر يسعون