بنت الخليج

اخوتي اعضاء منتدى شمران
السلام عليكم ورحمه الله وبركاته
بعد التحيه تقبلو مني هذه المشاركه التي كتبتها قبل اربع سنين كرد على فتاه استراليه تتهكم بسؤالها في احد المنتديات وتقول
بماذا تختلف بنت الجزيره عن غيرها ؟

(بنت الجزيره)
تساليني يالغريبه عن وصف بنت الجزيره
عن قصايد في حلاها تنكتب طول السنين
تساليني عن مزايا حسنها ذيك الاميره
ماعرفتي في بلادي نصفنا الثاني ثمين
تساليني عن براقع تختفي فيها اسيره
ماظهر منها شعاع للردي ياللي يهين
تساليني عن بلادي والصبا فيها كثيره
كلهم مثل الكواكب تختفي فجأه تبين
تساليني عن حلاهم ناظري شمس الظهيره
وش لمحتي بلغيني عن شموس الطاهرين
تساليني عن عيون بالحلا هي مستديره
والرموش اللي تبارز في فضاها كل حين
والشفاه اللي شهدها ينسكب في كل ديره
من ثنايا من لمحها يطلب المولى يعين
والخصر ياللي تثنا بالغنج في سرب طيره
كنه حضور القصائد في وسط قاف حزين
والدلال اللي نعرفه بالنسا نعرف نديره
دامها بنت الثريا لانوت تفتن تعين
لامشت ترسم خطاها تحتشم في درب غيره
ماتبي تدفن شرفها في وحل من صلب طين
تساليني يالغريبه عن سبب حب العشيره
ماعرفتي في بلادي نفتخر بالطيبين
احترق لو بنت عمي تحترق في نار حيره
وانكسر لو بنت خالي تنكسر في نار عين
جاوبيني لو سمحتي في بلادك يالكسيره
وش عرفتي من كرامه شو تعرفي من حنين
جاوبيني عن صبايا همهم لبس القصيره
والعيون اللي تناظر في عيون العابثين
جاوبيني عن تجمع بالمسا برض خطيره
مابها غير الثمالا والصبا برض الانين
جاوبيني لو سمحتي جاوبيني يالمديره
جاوبيني ليه سكتي ماعرفتي تنطقين
جاوبيني عن علاقه تحتمي فيها الوتيره
تحترق فيها الاصاله في نفوس الفاسدين
للاسف انك سالتي عن وصف بنت الجزيره
ماعرفتي في سؤالك في بلادي تطعنين
البلاد اللي تربع بالقمم في كل سيره
والبنات اللي تلبس بالذهب في كل عين
للاسف ان الاجابه عن بلادك هي قصيره
ماعرفتي في بلادك من رداهم تفخرين
كلمات
ناظم الهمسات

--------------------------------------------------------------------------------